ماضي الماضي
22-05-2022 - 07:29 pm
صباح / مساء الخيراات للجميع
سمعت كثير عن اوروبا وكم تمنيت زيارتها بس متخوف منها مدري ليه ..
لكن في هالصيفيه ان شاء الله قررت اروح لبريطانيا
واتمنى من خبراءنا الاعزاء افادتي عن بعض الامور والتي منها
اولاً الامور الماليه :
اخذ معي كاش والا استخدم بطاقه الصراف والا الشيكات السياحيه
ثانياً المواصلات
اكثر شي مجنني اللي يقولون استخدم المترو والباصات ..؟
طيب كيف اعرف ان هالباص بيوديني للمكان اللي ابيه وكيف اعرف ارجع ..
لا تقولون لي خرائط الحين الواحد يالله يعرف مدينته اللي عايش فيها علشان يعرف مدينه اول مره يزورها ..؟
ثالثاً وهو الاهم العائله
زيارتي راح تكون لهدفين منها تمشيه ومنها تجريب نفسي في تعلم اللغه ان لقيت نفسي متقبل اللغه والله تلقوني السنه الجايه ساكن جنب توني بلير :biggrin:
وش افضل المدن او القرى اللي ممكن اتواجد فيها مع مراعاه انها تكون مدينه هادئه ورخيصه ويكون المعهد جنب البيت
وبخصوص العائله ياليت احد يتكرم ويعطينا بعض النصائح في التعامل مع العائله (( نصائح عامه ))
هل يوجد انترنت في البيت .. عادات يرفضونها .. تقبلهم لنا ... الخ
ادري طولت عليكم
لكن صرااحه اعضاء بوابة بريطانيا رائعين ويتفاعلون دائما مع من يحتااجهم
دمتم بكل ود
هلا اخوي الماضي انا من رأيي استخدم بطاقة الصراف وخلي معك المبلغ اللي تحتاجه
ثانيا امر التنقل كل باص ياخوي له رقم وله موقف انت احفظ رقم الباص اللي يوقف نفس شارع البيت اللي تسكن فيه
ثالثا ممكن من رأيي مدينة كانتربري تقع جنوب شرق بريطانيا اذا ماخاب ظني
اما من ناحية الاعائله عاملهم بالاحترام لان هم شعب يقدسون شي اسمه احترام
اما من ناحية النت تكون بنفس المعهد اللي تدرس فيه ويكون مجاني
ومدري عن النت عند العائله
ومدري استغربت انك ماسألت عن امور الفيزا
وراح يفيدونك اكثر واكثر اخواني الاخرين واتمنى اني افدتك بشي ولو قليل وشاكرين لك تواصلك
والله يكون بعونك وبعون الجميع