هلا حبيبي ( غريب الاوطان )
أنا ثاني مره أسكن بالفندق
الفندق ممتاز من جميع النواحي النظافة التعامل الموقع
ومسوي عرض ليلتين والثالثة مجانا مع الفطور لأعضاء المنتدى ( والأطفال مجانا )
للحجز ادخل هذا الرباط
https://artravelers.com
النصائح
1- عند الوصول تفريغ المني بار أي ( الثلاجه ) . يعني بطل الماي الصغير تقريبا ب 800 فلس .
2- طلب غرفه مطله على شارع الكسليك و على الجامعه .
3- تطفي الكهربا لمدة 5 ثواني بالنهار بالليل لا تترك بنتك بالليل بالغرفة بروحها .
الموقع
1- شارع الكسليك من أفضل شوارع لبنان كله محلات تجارية بدلات نظارات إلخ .... لكن على فكر جدا أسعارهم غالية
2- المطاعم قريبه من الفندق مطعم خيمة السنيور + فرح + برجر كنج + ومطعم وجبات سريعه بجنب الفندق
أسعارهم معقوله وأكلهم طيب
وفي مقابل الفندق شارع يصعدك فوق امش جم متر تقريبا 20 متر تلقا على يمين صيدلية + حلاق + بقالتين أترس المني بار من عندهم نفسي أسعارهم حلوه يعني الموقع للفندق جداجدا ممتاز كل شي قريب .
3- عندهم خدمة انترنت واير لس تقريبا 20 دولار ل ثلاثة أيام جداجدا سريع مو طبيعي
و أي شي أتذكره راح بلغك فيه

اذا تبي سايق انا حاضر من أهل الفندق
عنده مرسيدس تكسي + شبح + سياره كبيره للعائلات
وأسعاره معقوله ويعرف كل الأماكن السياحه و المطاعم الموجود ب جونية
من وراي من كثر ما أفتر فيه

كفو والله ابن بلادي هذا مو غريبة عليك لأن هذا متأصل في كل كويتي وخليجي وجعلك ذخر للمنتدى ومنتسبيه كيف أحصل على رقم السايق ودمت بخير وشكرا

العفو حبيبي ماسويت شي
رقم السايق 009613745535 اسم السايق ( أبو علي )
والله يستر من المشرف لا يطير الرقم على فكره هو من سكان الفندق
قوله من طرف ( سعد ) واذا ماعجبتك اسعاره اتركه . وانشالله مايقصر

أما بخصوص اتجاه ( قبلة الصلاة )
صل بإتجاه جنوب لبنان لأنه يأدي الى مكه المكرمه
أي اترك البحر على يمينك و الجامعه على شمالك
لا تسألهم على اتجاه القبله مايعرفون اتجاه قبلة الصلاة للمسلمين .
لأنهم راح يدلونك اتجاهه قبلة صلاتهم هم ( حتى لا تقع بالخطأ ) فقط .

شصير وياك بلغني حبيبي

غريب الاوطان
ولو حبيبي أحنا بالخدمه

وبعد ماتصلون بالسلامه إنشالله وتريحون بالفندق شوي
أنصحك تأخذ المدم والبنت وتروح اتغدى بالسنيور أكله واو
وبعدين المطعم تراهو كبير وراح يعجبك كثير يشرح الصدر

وأنصحك اذا بتروح بوحمدون روح يوم الجمعه أوالسبت أو الأحد
وخاصيتا يوم السبت يوم العطله الرسمية ب لبنان راح تكون زحمه موطبيعيه
إخذ السايق من العصر لغاية نص الليل وشوف بوحمدون جنك بالكويت ( شارع الخليج )