ياخوان احد يرد واذا محد يعرف شوفو احد من معارفكم لاتقصرون معنا
واذا فيه مستشفي خاص بفلوس يسوي الفحص بسرعه يعني بيوم ممكن تفيدونا
وجزاكم الله خير

بصراحه العقد ماعندي فكره
وفحص الزواج قبل كان يتأخر وياخذ وقت اسبوعين واكثر بس الحين اتوقع لا مايخذ وقت بس مو يوم لأنها تحاليل دم ماتبين نتائجها في يوم حتى لو كان مستشفى خاص

لحسن حظك اني كنت مجرب ( فحص الزواج ) من شهر تقريبا واعرف اجراءاته تماما عشان كذا بعطيك العلم الاكيد عنه ويارب يفيدك ، طبعا المستشفيات الخاصة لا تقوم باجراء فحوصات الزواج بناءا على التعليمات الموجهة إليها ، وفي ذات الوقت هناك مركزين حكوميين مصرح لهما اجراء الفحص وهما :
1- مستشفى اليمامة/ طريق خريص باتجاه الشرق ثم الدخول يمين مع اشارة هوندا للسيارات باتجاه الجنوب، قبل ثاني اشاره ستجد المستشفى على اليسار وبوابة الفحص خلف المبنى من الجهة الشرقية.
2- مجمع الملك سعود الطبي ( الشميسي سابقا ) / طريق الملك فهد باتجاه الجنوب ثم الدخول يمين مع كوبري الامير فيصل بن تركي باتجاه الغرب ، بعد ثالث اشارة سيأتي المستشفى مقابلك تماما.
تجربتي كانت في مجمع الملك سعود الطبي كالآتي: فتح ملف في الاستقبال ثم التوجه الى بنك الدم وسحب عينة، بعد ذلك استملت منهم تذكرة مراجعة بعد 10 ايام ( قد تتقلص الى 3 ايام كحد اقصى في حال وجود واسطة) ، طبعا استلام العينة يكون في عيادة تسمى (المشورة) بنفس المجمع.
طبعا الاجراءات متطابقة في المركزين ولكن تجنبي مستشفى اليمامة قدر الامكان بسبب الزحام الغير طبيعي في جنباته بعكس مجمع الملك سعود الطبي الذي يعيبه الزحام المروري في طريق الوصول إليه.
اتمنى اني افدتك وأي سؤال انا حاضر

لخي فهد الاخ سلمان ماقصر زودك بمعلومات كافيه ولكن حاب اضيف اذا ودك تنجز الفحص بنفس اليوم مستشفى اليمامه عندهم الصباح للاجراءات العاديه مجانا واللي تكلم عنها الاخ سلمان اما الاجراءات الخاصه واللي تنتهي بنفس اليوم في الفتره المسائيه من الساعه 4 وبامكانك اخذ النتيجه مباشره وتدفع حسب علمي 400 ريال ولكن لازم يكون فخص الزوجه معك عشان تاخذ نتيجة التوافق مباشره وتخلص من يومك بالتوفيق

اماب النسبه لعقد الزواج الشيخ يحضر عندك في محلك اللي انت حاب تعقد فيه وفي اي وقت يناسبك بس المهم ترتب مع الشيخ قبلها ويعطيك العقد ويبقى عليك تختيمه من المحكمه الخاصه بالانكحه في العليا وممكن اي شخص يختمه لك لاني يوم جبت عقدي اخذه العسكري ودخله معه مجموعة عقود ودخلهم على الشيخ وجابهم لنا مختمه جاهزه

بالتوفيق ... بارك الله لكما وبارك عليكما وجمع بينكما في خير .. حياة موفقة وسعيدة يالغالي

ياخوان اذا سمحتو هذا الاستفسار الاخير والله لايهينكم
اذا اليوم الصبح او العصر رحت المستشفي المتخصص للفحص الطبي ابي اعطيهم عينه اسرع وقت تطلع النتيجه سواء بواسطه بفلوس باللي هي كم تاخذ من الوقت ولاهنتو وبيض الله وجيهكم

استغفر الله واتوب اليه