وين ساكنه طيب انتي بأي شارع عشان نقولك ايش الأقرب لك ...

لو تعطينه وين موقع السكن اللي انتي فيه علشان الواحد يقدر يفيدج ويعطيج أقرب سوبر ماركت لج انا السوبرماركتات اللي بأمريكا عجبوني وفيهم كل شئ منهم وال جرين ممتاز وكل شئ تحصلين فيه

هلا فيكم
انا ساكنه بشارع 63 قريبه جدا من السنترال بارك

1. http://www.wholefoodsmarket.com


2. في واحد بنيوجيرسي..

حرم الدكتور s
حمد لله على السلامة .. بالنسبة للمقاضي اول شي بعطيك احلى سوبر ماركت للاكل و يعجبني واجد واسعاره اغلى من غيره.

http://www.wholefoodsmarket.com

هذا السوبر ماركت كل الاكل الي فيه اورجانيك .. وحتى بيبسي ما عندهم. موجود لهم اكثر من فرع واحد في اليونيو سكوير وفي واحد في هيوستن ستريت و في واحد في كولومبس سيركل. يمكن لهم فروع ثانية وتقدرين تشيكين على موقعهم في النت.
في سوبرماركت اسعاره معقوله شوي الفروع الي اعرفها واحد في اليونيو سكوير و الثاني في بروكلين trader joes
http://www.traderjoes.com
في سوبرماركت عادي جدا موجود في اكثر من منطقة Key Food اسعاره معقولة.
http://keyfood.com/
ولو حابه تشترين بعض الاغراض اون لاين و يجيبونها لين بيتك في .. سوبر ماركت فقط على النت:
http://www.freshdirect.com
راح تشوفين الشاحنات حقتهم في منتهاتن من وقت لثاني .. مرات تلاقين عندهم عرض التوصيل مجاني. دوري في الانترنت عن الكود او الطريقة ولو ما لقيتي راح تدفعين رسوم التوصيل.
ولو معك سياره وحابه تطلعين بعيد شوي الى Wal Mart

في واحد بنيوجيرسي..

واذا كانت اقامتكم اكثر من سنه انصحكم تشتركون في احد المحلات الخاصه بالجمله.. حلو تشترون منها المويه و المناديل و اشياء كثيره عندهم ولكن احجام كبيرة. صندوق البيبسي مثلا يكون الظاهر 32 حبه. احنا مشتركين في Costco في فرع له في بروكلين. بس لازم يكون عندكم سياره.
افضل شي اسالوا الحارس او جيرانكم عن السوبرماركت القريبه من عندكم. لان عيب نيويورك اكثر الناس ما عندهم سياره و صعب الواحد يشتري بكميات كبيره يتعب بالشيل.

دام انك قريبه من السنترل بارك..
فيه سوبر ماركت على شارع 57... على السفن افينيو.. اسمه اسوشيتيد ماركت...
Associated Market
ممتاز جدا.. وفيه وحده هنديه مسلمه... رهيبه مره وش حليلها

مشكورين وما قصرتوا ولكني طماعه شوي واتمنى تتحملوني : )
انا ابغى اعرف اقرب اوت لت في مانهاتن او ما حولها وبالضبط وين بيكون باي شارع لاني صرت خبره بشوارعهم وانا مالي يومين عندهم : )
وأيضا أبغى اعرف كيف أزور شلالات نياقرا لأنها حلم لي من يومي صغيره بالقطار أو بالباصات وكيف استأجر عن طريقهم ومن مين أستأجر بطريقه سهله وميسره لا هنتوا ؟؟
انتظركم لا تفشلوني مع الدكتور : )

Woodbury Common Premium Outlets
هذا أوت لت يبعد ساعه عن منهاتن
هذا موقعه http://www.premiumoutlets.com/outlets/outlet.asp?id=7
وبالنسبه حق شلالات نياجرا شوفي هالموضوع وراح يفيدج 100 %
https://artravelers.com/p/re/262880
وشوفي هذا موضوع ثاني هم راح يفيدج عن شلالات نياجرا لأخوي الكاتب fms
https://artravelers.com/p/re/195603
وبالتوفيق ان شاء الله واتمنى لكم رحله سعيده انتي ويا الدكتور وبلغيه تحياتنه

حرم الدكتور s
بالنسبه للاوت ليت مافي شي في منهاتن .. لازم سياره او باص علشان تروحين له.
من افضل الاوت ليت
Woodbury Common Premium Outlets
http://www.premiumoutlets.com/outlets/outlet.asp?id=7
في اولت ثاني صغير نسبيا و لكن ميزته انكم تقدرون تخلونها تمشيه وتسوق في اتلانتك سيتي..
هذا موقعهم على الانترنت: http://www.acoutlets.com/
المدينه صغيره وفيها ممشى على المحيط و مجمع تجاري مقابل فندق قيصر و في اوت ليت.
وفي اوليت ثانية بعد ..
بالنسبة للشلالات افضل انكم ترحون لها بالسياره لو تستاجرون سياره بيكون اريح لكم. وفي رحلات ثانيه بالباص او الطيارة بس ما عمرت جربتهم.
هذا الموقع فيه رحلات بالباص و الطياره: http://www.gotobus.com/
اهم شي ما نفشلك مع الدكتور. سلمي عليه