بجواب على اللي اعرف
هنو k s a
بما انو معك طفله 6 اشهر اكيد محتاجة عربية لها ترى بالمطار تشحن ماتاخذية معك الا عند الوصول
فالله يعينك على شيلها انصحك تشترين الحزام اللي يربط ع الصدر وتحمليها تعب المطار
جيبي معك مقياس حرارة- شراب حرارة-مسكنات-
ملابس اطفالك ثقيله وخفيفة احيانا يكون فيه هواء قوي والجبل بردشوي
لاتنسين الادوية الشعبية- لاصق جروح -مطهر
مكواة-سناك معك خفيف للاطفال بيجوعون بسكت-تمر-الخ
موفقة والله يحفظكم

السلام عليكم و رحمة الله ...
1 -ابسافر انا وزوجي وبناتي ست سنوات والثانيه ست اشهر ابي كم التكلفه مع ان مزانيتنا حوالي 17000 شامله التذاكر؟
لا اعتقد ان المبلغ كافي طيران و سياحة ..
ياليت يكون مبلغ التذاكر اضافي ..
2-طيران يكون ارخص واسرع انا ابطلع من الشرقيه لندونيسيا وكم ساعه للوصول؟
طيران جارودا الاندونيسي دايركت و ممتاز , و طيران السعودية .
ممكن تتأكدين من وقت سفركم , احتمال يكون عندهم عروض ..
3-اللي زارها من قبل الاماكن الحلوه اللي تصلح للاطفال والكبار؟
مثل ما اضافة الاخت ام عروب , شاطيء انشول بكل فعالياته الرائعة .
حديقة الحيوانات سفاري في الجبل .
حديقة الزهور
منتجع ساري اتر , و الكثير الكثير ,
ان شاء الله يزودكم فيها اخونا سندي المحضار ..
4-ياريت اتقسمون لي الايام على المدن؟
أكيد الميزانية تتحكم في تقسيم الايام ,
ممكن تكون :
جاكرتا - بالي - الجبل - جاكرتا .
او
جاكرتا - الجبل - باندونق - جاكرتا .
و ياليت تتطلعين على التقارير
عشان تختارين اللي يناسب ميولكم و تنسقين جدولكم .
5-احلى الفنادق والفلل وابيها رخيصه وحلوه والجبل الفلل اللي فيها واسعارها؟
جاكرتا -
فندق استون مارينا قريب من البحر و اسواق منقادوا
ميركوري انشول عالبحر
لي جراندور ميزة بقرب اسواق منقادوا .
الجبل
فندق سيروني الرائع .
و اذا قررت وين تروحين , ان شاء الله نقترح عليك خيارات اكثر .
6-سواق من الصباح للمساء وكم سعره وهل اطلب خدامه وانا هناك وكيف؟
في جاكرتا ممكن تستغنين عن السواق و تاخذين تاكسي بلو بيرد ,
ولو اني شخصياَ افضل السواق , يختصر عليك الوقت و الجهد .
و كذا مرة ناخذ تاكسي ولا يعرف العنوان و لا يعرف انجليزي او عربي .
عموماَ ممكن تاخذون تاكسي من مطعم اميرة شارع رادين صالح جاكرتا
و تحتاجون السائق ضروري خارج جاكرتا ..
و السعر في جاكرتا 400 - 450 الف روبية
و الجبل و باندونق 500
ما اتوقع تحتاجون خادمة ..
7-الاسواق والمطاعم الفخمه؟....
ام عروب يعطيها العافية اقتراحاتها حلوة ..
و ضروري عربية الاطفال ,
و وجبات خفيفة , و ادوية ..
بالتوفيق عزيزتي ..
و يسرنا الرد على اي استفسار ..
رحلة سعيدة ..
..

الف الف الف شكر ام عروب وميسون
والله افدتيني كثير باالنصائح المفيده
والله يوفقك دنيا واخره
ام عزيز جزاك الله الف خير ع المعلومات الرائعه
وان شاء الله استفيد منكم كثير
وبنتظار المزيد من المعلومات
والنصائح من ناحيه الاطفال ومع العلم اني حامل باالخامس هل فيه اي تعب؟

كما افادوك الاخوات الكرام اولا الميزانيه لا تكفي ماحسبتي قيمه التذاكر !!
ثانيا الطفل ابو 6 اشهر السفر ما ينفع له والافضل ابقائه هنا ان لزم الامر لانه بيتعرض لتقلبات الاجواء وسفر تسع ساعات
وسوالك الاخير ايضا المفترض يسئل فيه دكتور لكن كجواب عام الافضل تاجيل الرحله لانها مو بسيطه تسع ساعات بدون وقت الانتظار والخ

jaka
مشكور اخوي ع مرورك ونصايحك وبنتي الصغيره افكر اني مااخذها
وانتظر المزيد

سلام عليكم اختي الرحله متعبه 9ساعات وانتي حامل استشيري دكتورفي هذا الموضوع احسن
فيه عندي رقم سايق في جاكرتاوفي الجبل وسياره جديده وسايق محترم جدا 500 الف ربيه شامله كل شي من جاكرتا الى باندق والجبل بونشاك والمبلغ كافي ان شاء الله

رحله بدون اطفال احسن اناجربت باطفالي وبدونهم حتى يسهل عليكم اتنقل في المنتزهات والشلالات لانها متعبه شوي وبدونهم افضل

رحلة سعيدة ان شاء الله وبالنسبة للحمل عادي تقدر تسافر
من الشهر السادس وطالع لا ممنوع المصدر زوجتي (اخصائية نساء وولادة)

لاانصح بالذهاب للحوامل فالسفر وخصوصا للرحلات الطويلة متعبة جدا