انا كنت حاجزة بالواوريك وبعدين كنسلت الى البرستول
اولا لقرب موقع البرستول من البحيره( بعض الغرف مطلة على البحيره)... وايضا اخونا ابو عزيز دايما يمدح هالفندق
ثانيا تكرار سالفة السرقات بالوارويك وسرقات السفتي بوكس هو اللي خلاني اشيل الفكره نهائيا من راسي
فمن رائيي اذا ماعندك مشكله من ناحيه الفلوس اشتر راحة بالك وقرب الموقع وخذ البرستول

في جنيف لا تبحث عن غير البريستول من افضل الفنادق موقعا" وتعاملاً

مشكورة أخت شموع ...
وان شاء الله بعتمد فندق بريستول على شورك .. وشور اخونا الغالي ابو عزيز ..

السلام عليكم
هلا وغلا الغالي
واضم صوتي مع صوت الأخوان بريستول اقرب واحلى واهم شي انه آمن عكس الوور ويك ..
فندق الوور ويك الصيف الي فات كانت فيه سرقات لكذا خليجي للأسف وماعندهم نظام cctv او نظام كاميرات المراقبه ..
اموفق الغالي

البرستول من ناحيه الفخامه والقرب الى البحيره افضل
اما الوروريك فهو جميل والسرقات امور عارضه فيه
وهو قريب جدا لم محطه القطار ويبعد 10 دقايق مشي عن البحيره

الله يعطيكم العافية .. وماقصرتوا
الحمدلله حجزت ليلتين فيه في بداية شهر جون القادم ان شاء الله ..
وطلع السعر علي لليلتين تقريبا 300 يورو للشخصين في غرفة مزدوجة ( دبل روم) طبعا بدون افطار
لا تنسونا من دعواتكم ..
وجزاكم الله مليون خير

جعله مبارك الغالي
ولاأتحاتي الأفطار ..الشارع الي قدام الفندق فيه كوفي شبات
الريوق عندهم كذا
غير المطاعم ..
الله يسعدكم دنيا وأخره ..

صراحه جربت الاثنين
غرف بريستول اجدد بكثيير من غرف بريستول وكلهم خدمتهم مره حلوه
بس بريستول موقعه مافي مقارنه
احلى موقع فندق في جنيف بعد الفورسيزون
موقعه مقابل للجسر اللي يوديك منطقة التسوق والفندق على البحيره
ووراه مقاهي وساحه فيها محلات وكذا
والوارويك صراحه مااعرف اذا الفندق من جوا مو أمان بس منطقته صح قريبه من محطة القطار بس سكننا مرتين في هذيك المنطقه صحيح موحشه شوي في الليل يعني كنت اخاف ارجع لحالي على الاقل انا واخوي الصغير وخاصة في غير ايام الكرنفال بس من الصباح لما كذا الساعه11 ماعليك خوف
المهم انت شوف ايش افضلك زي ماتشوف في هذى الصوره
غرف بريستول

هنا شكله من برا ولو اتجهت للي متجهين له السيارت على طول البحيره بوجهك

غرف وارويك

واضح ان وارويك اجدد غرف نسبيا بس بشكل بسيط يعني مو كل الغرف
بس لو اخترت بريستول اطلب منهم lake view اغلى شوي بس الاطلاله حلوه مع ان هذي الغرف قليله عنهم

اوه ماانتبهت انك خلاص حجزت قبل ماارد
عادي مومشكله يمكن ناس ثانين يستفيدون