الف الف مبروك
وإن شاء الله الاخوان ماراح يقصروا معك....
لكن ياليت تذكرين اسم المدينة اللي بعثتي لها عشان يخدمونك....
لكن عملي حساب الوقت للفيزا لأنها تاخذ ما يقارب الشهر.....

هلا اخوي الغالي
طلع اسمي الان بموقع جريدة الرياض ...
ولا ادري وش اسوي ولا ادري وين اروح ....
ياليت يكون فيه احد بس يعلمنا وش نسوي
الله يبارك فيكم

الله يسهل عليك ويحرسك هناك....
بالنسبة لأسبانيا فالديرة أمان وأنا متأكد أنك راح تعشقي أسبانيا....
ونحن في أنتظار الشاب فهو أكثر الأعضاء خبرة في أسبانيا وسبق له الدراسة فيها ومازال على إرتباط بها حتى الآن....
دمتي بود

عسى الله يسعدك ياغالي ويوفقك ....
ويوسع عليك ,,, ويفتح عليك فتوح العارفين ...

1. و بس


2. طبعاََ لا يغرك كثر الحكي اللي انا كاتبه , بس هذي التفاصيل


3. ولو جيتي للتطبيق , ترى ما تاخذ منك ( يوم واحد )

:
أهلين أختي ,,
أول شي , ألف مبروك البعثه , و حياك الله في الغُربه . .
ثانياََ , الأمور راح تكون أبسط مما تتخيلين صدقيني , والإجراءات اللي يتوجب عليك تسوينها بسيطه
بس في الأول ياليت أعرف
المرحلة اللي بتدرسين فيها + التخصص + الجامعة + مستوى اللغه الأسبانية عندك
وبشكل عام , وعشان تاخذين فكره , بشرحلك الأمور بالتفصيل :-
بعد ما تستلمين قرار الإبتعاث من الوزارة , تاخذين خطاب للسفاره عشان استخراج الفيزا
طلبات السفاره ماهي معقده في حالة المبتعث
( جواز السفر , خطاب الوزارة الموجه للسفارة الأسبانية , قبول الجامعة في أسبانيا , حجز السكن )
هذي اللي اذكرها , وناسي إذا فيه شي ثاني , بس مو قضيه , اتصلي عليهم ويعطونك التفاصيل بالضبط
راح تعطيك السفاره موعد لمقابله شخصية , ماهي شي كبير لا تخافين , مجرد مقابله
وراح تستلمين الفيزا في فترة 3 أسابيع إلى شهر بالكثير
بعد ما تاخذين الفيزا , تتوجهين للوزارة , وتستلمين التذكرة , حسب الموعد اللي تختارينه إنتِ
يعني الفتره من الآن , حد أقصى شهر ونص , شهرين . إذا كل أمورك مشت بشكل سليم
:
توصلين مطار ( باراخس ) في مدريد
ما أدري وين بتكون دراستك , لكن بمجرد وصولك , أول شي تحطينه في بالك هو مراسلة الملحقية الثقافية في باريس
لأن أسبانيا تابعه لملحقية باريس ومالها ملحقية مستقله
طبعاََ عشان تراسلينهم لازم تسوين كم إجراء بسيط , ماياخذ منك يوم واحد
بخطاب الوزارة الموجه للسفاره + جواز السفر , تروحين أي بنك , وتفتحين حساب بنكي
البنوك اللي انصح فيها ( BBVA أو Santander )
+
تطلعين شريحة جوال
وأنصح ب ( Movistar أو Vodafon )
:
بعد كذا , تجهزين الملف اللي راح ترسلينه للملحقية , ويشمل /
صورة جواز السفر
+
صورة الصفحة اللي إنوضع عليها ختم الدخول إلى أسبانيا والموضح فيه تاريخ الدخول
+
صورة بطاقة الهوية الوطنية أو بطاقة العائله
+
صورة قرار الإبتعاث
+
المعلومات البنكية

• البنك راح يعطيك مجموعة أوراق , في الصفحه الأولى موضح فيها كل تفاصيل الحساب , أو إنك تصورين الدفتر إللي بيعطونك هو , الصفحه الأولى منه , وضرور يكون موضح ( رقم الحساب + ال IBAN ) -

+
العنوان الدائم في أسبانيا وأرقام الهواتف
طبعاََ هذي ترسلينها بالفاكس عالرقم اللي بوضحه بعد شوي
أمر ثاني متعلق بهالموضوع
ونصيحه بنفس الوقت
مهما كان مستواك في اللغه الأسبانية , لا تفوتين ( سنة اللغه ) لأنها من ( حقك )
وبالنسبه للإنجليزي والفرنسي , حسب دراستك , مدري هل يطلبون أكثر من الإسباني ؟
حاولي تشوفين معهد تابع لجامعة , مو معهد تجاري
ويفضل يكون المعهد التابع للجامعة اللي بتدرسين فيها
بحيث تكون إجراءاتك مع الملحقية سهله , وبرضو تقدرين تطلعين البطاقية الجامعية اللي بتستمر معك طول فترة دراستك
إذا تبين مساعدات في هالمجال حاضرين
عموماََ إذا كان عندك معهد تعليم لغة في بالك , وأخذتي منه قبول في دراسة سنه لغه , إرفقيه مع الأوراق
أو
قبل ما ترسلين اللسته إللي فوق , تروحين للمعهد إللي بتدرسين فيه , وعلى ضوء ( خطاب الوزارة الموجه للسفاره ) تفهمينهم إنك مبتعثه من الدولة , وتبين تسجلين في كورس اللغه ل فترة سنه , وإن التكاليف الملحقية بتدفعها , بس كونها في باريس فلازم ارسل الأوراق وهم يحولون لكم المبلغ
وهم من ناحيتهم يعطونك ( قبول موضح فيه فترة الكورس ونوع الدراسه ) + ( فاتورة مالية بتكاليف الكورس موضح فيها أرقام حسابات المعهد )
أو يطلبونك أرقام الملحقيه وهم يتفاهمون مع بعض
ترفقين هالورقتين مع الأوراق اللي ذكرتها , وترسلينهم فاكس
وبعدين تصورين الفاتوره وتحتفظين بكم صوره منها
وتاخذين الصور اللي ذكرتها + ( الفاتورة الأصلية )
وترسلينها بالبريد ع الملحقية
:

و بس

• الملحقية راح ترسلك ( ضمان مالي ) , هذا تستخدمينه في كل شي , تعريف بالراتب وانك مبتعثه وكذا , وهالضمان لازم كل سنه تطلبين واحد جديد , وبرضو خلال فتره راح يرسلونلك شيك أو يحولون في حسابك مباشرة مبلغ مالي , إللي هو من تاريخ وصولك المحدد في الجواز إلى أقرب 25 , وبعدها يصير ينزلك الراتب مباشرة كل 25 من الشهر الهجري -

طبعاََ لا يغرك كثر الحكي اللي انا كاتبه , بس هذي التفاصيل

ولو جيتي للتطبيق , ترى ما تاخذ منك ( يوم واحد )

الصباح الساعه 9 تمرين المعهد وتخلصين أموره , وتطلعين منه على اقرب بنك , 10 دقايق وانتِ فاتحه حساب , وبعدين تمرين أي محل إتصالات وتطلعين شريحة في 3 دقايق , وبعدها أقرب كابينة تلفون وترسلين فاكس ماتاخذ 5 دقايق , وعالبريد ترسلين الأوراق في 10 دقايق
وتكون جات الساعه 12 الظهر :rolleyes:
لاجد , الأمور جداََ سهله
يمكن الصعوبات طاحت في روسنا أول العام , كوننا أول المبتعثين , وجديدين على أسبانيا
لكن الحين سهاله
:
هالأمور عندك كلها , وأول ما توصلين دقي عالملحقية وتأكدي من كل شي قبل ما تسويين أي شي
:
عنوان الملحقية الثقافية في باريس /
54, Avenue Hoche
5 ème étage
Paris 75008 France
Tel 0033 1 56 60 50 00
Fax 0033 1 56 60 55 27
إذا اتصلتي , اطلبي ( أ. سعيد مظلوم ) , أفضل الموجودين.
وهنا باقي الأرقام الخاصه /
الشؤون الدراسية : عبدالمحسن السويلم - 0033156605339
الشؤون المالية : عبدالعزيز الرشيد - 0033156605145
الشؤون الثقافية : يحيى سبعي - 0033156605263
الشؤون المعلوماتية : عبدالله البخيت - 0033156605249
وهذا موقعهم عالإنترنت , فوق البيعه /
Press
:
وبالتوفيق إن شاء الله

• وأي إستفسار ثاني أنا حاضر -

( ولا تنسون تجيبون معكم شوي حَر :whistling )
:

كفيت ووفيت
أعتقد يا قموره ( اسبانيول ) ما قصر معاك أبد....
وخاصة أنه مبتعث العام الماضي يعني هذا تخصصه....
دمت بود يا اسبانيول
ودمتي بود يا قموره
والله يوفقكم جميعاً ويحقق لكم مرادكم....

السلام عليكم ورحمة الله وبركاته
تخصصي تغذية ...بس اعطوني تسويق ....!!!! كيف مادري ....
والي الان وين وكيف وباي مدينة واي جامعة معرفش ههه يعني الله المستعان ...

لك مني الدعاء الصادق
الله يوفقك ويسعدك يارب ...
ويكون الله عوناً لك في غربتك ...
ويرزقك سعة في الرزق ... وصحة وعمراً مديداً...
النبيّ فقال: يا رسولَ الله ، أيُّ الناسِ أحبّ إلى الله ؟ وأيّ الأعمالِ أحبُّ إلى الله ؟ فقال رسولُ الله : ((
أحبُّ الناسِ إلى الله تعالى أنفعُهم للنّاس، وأحبّ الأعمال إلى الله سرورٌ تدخِله إلى مسلمٍ أو تكشِف عنه
كربةً أو تقضِي عنه دينًا أو تطرُد عنه جوعًا، ولأن أمشيَ مع أخٍ في حاجةٍ أحبّ إليّ مِن أن أعتكِفَ في هذا
المسجد يعني مسجدَ المدينة شهرًا، ومن كفَّ غضبَه سترَ الله عورته، ومن كظمَ غيظَه ولو شاء أن
يمضيَه أمضاه ملأَ الله قلبَه رجاءً يومَ القيامة، ومن مشى مع أخيه في حاجةٍ حتى تتهيّأ له أثبتَ الله قدمَه
يوم تزل الأقدام، وإنَّ سوءَ الخلُق ليفسِد الدّين كما يفسِد الخلُّ العسل )) حديث رواه الطبرانيّ
لك مني أخي
eSpAnYoOoL

لك مني اخي
النسر المهاجر

افا ياقموره
وردة وحدة بس
أمزح معك أهم شي أنك استفدتي من اسبانيول....
لك أطيب تحية

^
^
بعطيك كم ورده من الصندوق , بس اللي في الصحن معليش . . :biggrin:
ياخي انا تعبت وأنا جالس أستذكر كل الأشياء اللي كتبتها
بالإضافه إلى إني ما نمت اللي متأخر , وكنت بفوت المحاضره اليوم :rolleyes:
:
قموره
تسلمين ع الدعوه أولاََ . .
وبالنسبه للتخصص , مو المفروض تكونون جايبين قبول من جامعه في التخصص إللي تبونه , عشان البعثه ؟
وإلا نظام ( البرامج ) يختلف ؟
عموماََ , فكري زين وين بتدرسين , وشيكي ع الجامعات المعترف فيها , ( ماهي كثيره )
وشوفي التخصص اللي فيه وش وضعه , وكيف طريقة الدراسة , وضع المدينه , موقعها طبيعتها . . الخ
واستخيري , وتوكلي على الله :biggrin:
وتساهل إن شاء الله
: