!!!!!!!
وإذا لم تكن ألمانيا هي المحطة الأولى ؟؟ هل يسري نفس النظام ؟؟
يعني هل من الممكن دخولها عن طريق القطار ؟؟ من دولة أوروبية أخرى ؟؟ وبفيزا شنقن من غير السفارة الألمانية ؟؟

safi a
اتوقع عادي
التعقيد بس في المطار
والله اعلم

والله حاله
يعني اكنسل الرحله والا وش السواه
ياناس عطونا العلم الاكيد
انا بروح بعيالي بعد اربعه ايام ان شاالله
مانبي نتوهق

والله مشكلة ..
ناويين نقدم على السفارة التشيكية خلال اليومين المقبلين ..
ويبدو بأننا سنغير الوجهة للسفارة الألمانية رغم التعقيد والحوسه ..

من جد شي يجعل الواحد يفكر يغير الوجهة السياحية للسعوديين الى خارج منطقة الشنقن :
للاتي:

• تعالي واستهتار السفارات داخل السعودية للمواطنين فقط . مما ينبغى معاه وقفة جاد وحازمة من وزارة الخارجية .
• المزاجية في التعامل لكل بلد تتمسك بانظمتها و ليس بانظمة الشنقن .
• تذهب للسفارة وتطالبك ان تكون عدد الايام هو الاكثر فقط :: تذهب للمطار يرفضون دخولك لأن دولتهم ليست الجهة الرئيسة او الاولى .

نحن كسواح قدمنا لبلادهم بمحض ارادتنا ونحن سوف نقدم لهم عوائد تدخل في خزينة بلادهم :
اوربا ليس الجهة السياحية الوحيدة في العالم و اذا لم تتغير في تعاملتها مع السواح سوف تفقد الكثير
في لقاء قريب "سابق " لجلالة الملك وقد اجتمع مع ممثلي السفارات وطالبهم بتقديم جميع التسهيلات والخدمات للرعايا السعوديين في الخارج . اتمنى ان تقوم وزارة الخارجية بدورها هنا اولا !!

1. اخوي العزيز ..

اخوي العزيز ..

لك مني شديد الاحترام والتقدير واتمنى تاخذ تعليقي على محمل ايجابي .. طبعا انا عارف ان الخبر صحيح وانت ناقله من السفاره ولكن للاسف الشديد الى متى سفاراتنا بتكون كذا انا حاولت اشيك بموقعهم ومافي اي تصريح او تنبيه !! يعني رسميا مافي شيء !! مع العلم بان نظام الشنقن صحيح لازم يكون من الدولة الاولى او الوجهة الاولى او الوجهة الاطول فالاخ نقل لك الكلام الرسمي مع التحفظ >> رايي الشخصي
ولكن الحل اللي ممكن تحجه فيه انك تسوي حجز وهمي على السفارة اللي اصدرت منها الشنقن وبعدين لما تعدي من المطار تلغيه .. قد يكون الاخ متحفظ ومايبي يدلك على طريق لف ودوران
انا اصدرت فيزتي من فرنسا ووجهتي الاولى فيينا والعودة من ميونخ ولا راح امر على فرنسا لا من قريب ولا من بعيد !! والحل اني سويت حجز وهمي على اني بسكن في فرنسا 9 ايام من الرحلة وباقي الايام موزعه 4 ايام النمسا و 4 ايام المانيا .. وطبعا مع الشوشرة اللي صارت على الفيزا والشنقن اتصلت بالسفارة النمساوية بالرياض وكلمني واحد قلت له انا مفيز من فرنسا من 3 شهور تقريبا وغيرت وجهتي ابي اروح فيينا وش السواة اقدر اصدر منكم شنقن؟؟ قال لا مستحيل قلت والحل قال تدخل فيينا عادي قلت لا يا صاحبي في ناس تمشكلو بالمطار قال يا سيدي اذا انك خايف ضبط وضعك بحجز وهمي والله يشهد علي ان هالكلام كان منه ..
الوضع مقرف والله يعين ويسهل

الاخوة الاعزاء
الرجاء التاكد من المعلومة قبل نقلها
لا احد يستطيع منعك من دخول احدى دول الشنقن اذا كان معك تاشيرة
وحسب النظام فالتاشيرة تستخرج من البلد الاكثر اقامة حتى لو كان الدخول من بلد اخر
تحياتي

السلام عليكم
للاسف كلمت من ساعة تقريبا السفارة السعودية في المانيا وأكد لي المسؤول ان الخبر صحيح بشأن الزام من تكون وجهته الاولى المانيا ان تكون الفيزا من السفارة الالمانية وأكد لي الموظف المسؤول انهم ممكن يردون الناس اذا ماكانت الفيزا مستخرجة من السفارة الالمانية بس اذا كان جاي من اي دولة اوروبية اخرى مافيه اي مشكلة واكد لي كذلك ان الالمان حازمين في الموضوع هذا بالاضافة الى ذلك قال لي ان الفيزا ممكن تطول في السفارة الالمانية وممكن توصل الى شهرين على ماتطلع وقال لي الله يعين السعوديين اللي متجهين الى المانيا كوجهة اولى هالسنة
تعليقي :
لماذا هذا التعقيد وهم اول من سيستفيد من دخول السياح دولتهم ؟؟
اين دور الخارجية لماذا لم تتدخل في محاولة تسهيل الاجراءات للمواطنين السعوديين الراغبين في الاتجاه الى المانيا خصوصا ؟
انا كنت متجهة الى لندن وبعدها ميونخ الان مضطرة اني اتجه اولا الى باريس وبعدها الى ميونخ

على فكرة هذا رقم السفارة السعودية في المانيا وممكن تتأكدون بانفسكم من الكلام
00493088925175