mr_sami
25-08-2022 - 08:05 am
بسم الله الرحمن الرحيم
السلام عليكم ورحمة الله وبركاتة
الى اخواني واخواتي ارجو منكم الله يخليكم توجهوني ( تكفون ) .............!
انا منحت من عملي بموافقه على تكملة الدرسة خارج المملكة ، واعطوني مهله مدتها شهرين اجيب موافقه مبدائية من الجامعات
انا والله ماني عارف الجامعات الي بامريكا وكيف طريقتها والغة الانجليزية لكم عليها وانا ما كتبت الموضوع الى وانا مدري وان اروح ( تكفون ياجماعة الخير ) افيدوني انا .....
الشهادة دبلوم كلية التقنية بالرياض تخصص ( مساحة ) وابغى اكمل البكلوريس ( هندسة مساحة ) وابغى الله لايهينكم تعلموني وش الجامعات الى تقبل نفس التخصص بامريكا الله يزاكم بالخير وكيف الدرساة في امريكا انا باقي على شهرين اذا ما جبت الموافقه العمل بيلغي على البعثة ( تكفون )
افيدوني الله يخليكم
اخوكم
SamI
الدراسة في امريكا
اول شي مبروك البعثة وان شاء الله ترجع بالشهادة
لاتتخوف من القبول,, خصوصا اذا انت بكالريوس سهل جدا
اول خطوة ادخل على موقع وزارة التعليم العالي
http://www2.mohe.gov.sa/education/Indexlogin.aspx
شوف الجامعات المعترف بها
وادخل ودور الجامعة اللي تروق لك
فصفص مواقع الجامعات واحد ورا الثاني وشوف مقرراتهم وتخصصاتهم
اذا تبي القبول
دور في الموقع على كلمة admission
وراح تلاقي نموذج اونلاين تعبيه
وتدفع فلوس بحدود 40-60 دولار من فيزا او ماستركارد
راح يطلبون منك ترسل اوراقك وشهاداتك وصورة من جوازك والضمان المالي "من الشركة تجيبه" (كل شي بتحصله بالموقع)
ترسلها لهم بالفديكس او البريد الممتاز
اذا معدلاتك مرتفعة راح يرسلون لك القبول باذن الله
ملاحظة :
اذا معك درجة توفل اعلى من المطلوب تكون ضمنت القبول باذن الله,, اذا ماجبت التوفل وتحتاج تدرس لغة اطلب قبول مشروط conditional admission
وصلى اللهم على محمد