حمدالله ع السلامه
عندي كذا سؤال وانشالله احصل الاجوبه الوافيه
رحلتك عائليه ولا شبابيه ؟
جم ليله كانت سفرتك ؟
اجرت سياره واذا كنت ماجر ياليت تقولي جم يوم وجم التكلفه ؟
جم تكلفه الفنادق وياليت تقولي رايك عن الفنادق من ناحيه النضافه والمكان
اذا رحت دزني لاند ياليت تقولي سعر التذكره للشخص الواحد
سمعت انه فيه تذاكر بسعر اعلى من العاديه وميزه هالتذكره انك تلعب ع طول من غير ما تنطر دور صحيح هالكلام ؟ واذا صحيح جم قيمه التذكره
اذا انا كنت ماجر سياره تكفيني ميزانه 350 يورو في اليوم شامله الغدا والعشا ودخول الاماكان السياحيه والتمشي والكفيهات وكذا ؟
هذي الاسئله الي عندي حاليا
وشكرا

1. في باريس وجنيف ما أخذت سيارة


2. استأجرت سيارة آخر يوم في جنيف وسلمتها في فيينا

بو حسن 83
رحلتك عائليه ولا شبابيه ؟
جم ليله كانت سفرتك ؟
اجرت سياره واذا كنت ماجر ياليت تقولي جم يوم وجم التكلفه ؟
جم تكلفه الفنادق وياليت تقولي رايك عن الفنادق من ناحيه النضافه والمكان
اذا رحت دزني لاند ياليت تقولي سعر التذكره للشخص الواحد
سمعت انه فيه تذاكر بسعر اعلى من العاديه وميزه هالتذكره انك تلعب ع طول من غير ما تنطر دور صحيح هالكلام ؟ واذا صحيح جم قيمه التذكره
اذا انا كنت ماجر سياره تكفيني ميزانه 350 يورو في اليوم شامله الغدا والعشا ودخول الاماكان السياحيه والتمشي والكفيهات وكذا ؟
هذي الاسئله الي عندي حاليا
وشكرا
مرحبا
الله يسلمك ويحييك
الرحلة لشخصين أنا وزوجتي
مدة الرحلة 14 ليلة

في باريس وجنيف ما أخذت سيارة

استأجرت سيارة آخر يوم في جنيف وسلمتها في فيينا

أنصحك ما تاخذ سيارة في المدن الكبيرة لسببين الأول زحمة المدينة وما تحصل موقف للسيارة إلا بصعوبة وبرسوم والسبب الثاني أن المدن الكبيرة فيها جميع وسائل النقل العام ولجميع الأماكن مريحة جدا واسعارها مناسبة
بالنسبة لأسعار الفنادق تكون حسب المكان وشهرة الفندق لكن عموما أسعار الفنادق في باريس وجنيف أغلى من المدن الصغيرة الثانية
بالنسبة لي استأجرت في منطقة الشانزليزيه فندق يبعد 3 دقائق عن شارع الشانزليزيه فندق نظيف وحلو بس الغرف صغيرة جدا وهذا غالبا في أكثر فنادق باريس الغرف صغيرة تقريبا الليلة ب 220 يورو أخذت 5 ليالي في باريس وفي جنيف أخذت ليلتين بنفس السعر تقريبا وأما في المدن الصغيرة فكانت أسعار الفنادق أقل.
بالنسبة لديزني لاند حصلت عند الفندق تذاكر بس بسعر أغلى فرحت لشارع الشانزليزيه وهناك في متجر اسمه ديزني شوب أخذت منه تذاكر بنفس سعر التذاكر في ديزني لاند وسعر التذكرة للشخص الواحد ليوم واحد لقسم واحد ب 61 يورو وللقسمين ب74 يورو
وما أدري والله هل فيه أسعار أغلى من كذا يكون فيها ميزة زي ما ذكرت أنت لكن ما أظن فيه لأن موظف التذاكر ما ذكر لي الا هالنوعين من التذاكر . عموما يمكن تاخذ التذكرة من ديزني لاند نفسها أنا شفت هناك ما فيه زحمة على التذاكر.
بالنسبة للمبلغ اللي ذكرته 350 يورو يكفيك ان شاء الله .
وأي خدمة ثانية احنا حاضرين.

ممكن تقولي شلون رحت من باريس الى الدول الثانيه !!
اغلب الناس انصحوني اني ما استخدم المترو خاصه انه معاي طفل عدل هالكلام ؟
الي فهمته انه طول رحلتك ما اجرت سياره الا يومين وانت نصحتني اني ما اخذ سياره في المدن المزدحمه !!
انا مخطط ع رحله لمده 14 ليله 5 دزني و 9 باريس حلو الجدول ولا اروح دول ثانيه ؟

سلامي في سؤال مهم
بالنسبة للباص السياحي الاحمر كم سعر
الان الحجز عن الطريق النت طبعا بعد الخصم 10
للكبار 29
والصغار 15
مدري في واحد يقول هناك
للكبار 24
للصغار 12

السؤال التاني.--.----
ايش الافضل بالنسبة للقصر فراساي
هل الحجز فقط الحديقة ولا الحديقة والقصر

بو حسن 83
رحت من باريس إلى جنيف بالقطار وجلست يومين في جنيف وبعدين أخذت سيارة منها ورحت لانترلاكن ولزيورخ ولزيلامسي وسلمت السيارة في فيينا لأن العودة كانت من هناك
بالنسبة لاستخدام المترو عادي حتى لو عندك أطفال كثير يستخدمون المترو وعندهم أطفال بس أهم شي تحرص على الركوب بسرعة والنزول بسرعة من المترو لأن المترو ما يطول في الوقوف يعني تكون جاهز عند الباب قبل المحطة اللي تبغى توصلها خصوصا إذا كان زحمة المترو.
بالنسبة لتخطيطك للرحلة 14 يوم حلوة بس 5 أيام في ديزني أشوفها كثيرة بالنسبة لي يمكن لأني أنا رحت بدون أطفال وهي تناسب الأطفال أكثر
وبالنسبة لباريس حلوة لو تجلس فيها شهر ما تمل منها لكن اشوف لو تنظم زياراتك للأماكن السياحية المهمة 6 أيام تكفيك
يعني لو تنقص ثلاثة أيام من ديزني لاند وثلاثة من باريس تصير 6 أيام بإمكانك تاخذها في مدينتين أخرى أو مدينة على الأقل
أنصحك بميونخ 3 أيام
أو جنيف 3 أيام وانترلاكن 3 أيام

JAWANA
أنا ركبت الباص السياحي الأخضر التذكرة للكبار ب 31 يورو للشخص
التذكرة من الباص مباشرة
وأعتقد الباص الأحمر نفس السعر بس مو متأكد

JAWANA
ماعندي فكرة والله لأني مارحت لهذا القصر أنا ماني من هواة المتاحف
ومع ذلك زرت متحف اللوفر وأحسه يكفي عن غيره من المتاحف
بس أكيد تحصل مواضيع كثيرة تفيدك إن شاء الله

اخوي من اجمل زيلامسي ولا انتر لكن ؟
وكيف شفت جنيف حلوة ولا؟
وكم المسافة من جنيف إلى انترلكن ؟
وش المطاعم الزينه في جنيف وانترلكن ؟
كم معدل الصرف اليومي في جنيف وانترلكن ؟