با النسبة للجراند هوتيل انا جربته شخصيا العام الماضي ماراح يسكنك في المبنى الرئيسي لان الغرف في المبنى الرئيسي كلها غرف ببلكونه وغرف Delux وليست غرف عاديه Standard عشان كذا تاكدي 100% انه بيسكنك با المبنى الفرعي...بس فيه ملاحظه انه الفتره الماضيه بوقت رحلتي وانا بزيلامسي كانو يسوون على المبنى الفرعي تصليحات ولما سالتهم قالو شهر 3 السسنه هذي بيخلص يعني اتوقع بيكون المبنى الفرعي مجدد ومميز (اتوقع)
صوره تبين ان المبنى الفرعي كانت عليه تعديلات السنه الماضيه

با النسبة لفندق السي فيلا انصحك تحجزينه عن طريق الفندق مباشره وهذا موقعهم اضغط هنا http://www.seehotel-freiberg.at/englisch/index.htm
وهذا ايميلهم
با التوفيق

مشكور اخوي بس انا حجزي في الغراند superior room lake view
هل تتوقع بيكون في المبنى الرئسي والا الملحق :112:
لاني جالسه افكر اني اغيره واسكن في سي هوتيل فيلا وشاكره لك تعاونك

باختصار أختي لا تسكنين الا في فندق جراند لأني جربته خدمتهم وكل شيء عندهم
هذا موقع الشركة البوكينج للحجز وانا جربتهم وتقدرين تتصلين على الهوتيل وتتأكدين بنفسك من الرسبشن ان حجزك في المبنى الرئيسي مع العلم مثل ما قال اخوي ان المبنى الفرعي مجدد
https://www.booking.com/hotel/at/grand-zell-am-see.html?aid=1300939

انا الصيف اللي فات سكنت السي هوتيل بصراحه ماعجبني مافيه شي حلو الا الطله عشان كذا احجزي في الجراند وتوكلي على الله

شوشو888
حتى لو كانت في المبنى الفرعي تاكدي ان الغرف بتكون نظيفة ومرتبة ومجدده على الاخر حسب ماذكر من قبل
ومن ناحية Superior Room اللي اعرفه اذا كانت مع بلكونه فهي في المبنى الرئيسي ولو كانت بدون فهي في الفرعي هذا اللي فهمتني موظفة الاستقبال و الله اعلم
واذا حبيتي تزيلين الشك وتتأكدين كلمي الفندق نفسه وعطيهم رقم الفاوتشر (الحجز) واساليهم وين موقع غرفتك وهم بياكدون لك
لاتسكنين في السي هوتيل اسكني في السي فيلا (المبنى الجديد من السي هوتيل) لو اضطريتي تغيرين الجراند
با التوفيق

aaj789
اخوي انت سكنت في سي هوتيل والا سي هوتيل فيلا الجديد؟

الموسيقار
مشكور اخوي شكلي باخذ باغلبية الاصوات وشكله على الغراند

انا سكنت في الجراند ,,,بصراحه روعه حرام تروحين في السي هوتيل
يكفي القعده فيه ترد الروح