يا اخوان كلمة ولو جبر خاطر

السلام عليكم
قمت بزيارة لمدة يوم واحد الى بورتسموث العام الماضي, و هي تبعد ساعة و عشرون دقيقة من مقر دراستي في لندن. المكان الوحيد الذي زرته هو سوق تجاري على الشاطئ و قريب من البرج الشهير في بورتسموث, و للمعلومية السوق به كثير من محلات الماركات العالمية و مطاعم.

انا تون جاي منها الويك آند اللي راح
بصراحه حلوه مره وتستاهل العنوه وحقها يوم واحد بس رح من بدري لان اغلب الاشياء الحلوه تقفل 5 العصر
عندك متاحف مره حلوه وميناء المدينه الكبير اللي عجب وتشوف السفن الكبيره مره جميله
شوف رح لها عن طريق القطار .. واول ماتوصل محطه القطار لاتروح منا ولا منا لانك حولك كل شي
واسأل عن كل شي
وبتشوف قدامك سفينه كبيره اول ماتطلع من المحطه هذي متحف وتقدر تدخله وتتفرج وافضل لك اشتر كارت دخول جميع المتاحف وتفرج على السفن وعلى كل شي وخذ لك فره بالبحر وتشمل هذا التذكره اللي بتأخذها
واذا خلصت انصحك بزياره الجزيره اللي مقابله للمدينه مره جميله وهاديه ووسط البحر وتزورها بالفري
واسمها وايت او ايلاند
وبتشوف عنها منشورات كثير
حلوه حلوه مره المدينه بس لاتستحي من السؤال وخش جامد على قولتهم
واذا تبي اسواق رخصيه انزل للسنتر وغيره مافيه يعني روحتك للسنتر بس سوق ومطاعم يعني اذا ماتبين هالشيين لاتروح من اساسه
اوكي
تمنياتي لك بالتوفيق ورحله موفقه يارب

1. بسم الله الرحمن الرحيم ..

بسم الله الرحمن الرحيم ..

المدينة فيها ثلاث محطات للقطار .. انزل في آخر محطة اللي هي portsmouth harbour
بعد كذا بامكانك تبدا بالخيار الي تفضل فيه الاخ أمير بكلمتي .. وهي انك تروح للدوك يارد وتتفرج على المتاحف الي موجودة هناك .. مكانها بعد ما تطلع من المحطة خليك ماشي على الرصيف بعد ما تطلع من المحطة .. وانت تمشي على يمينك القطار وعلى يسارك محطة الباص .. اذا وصلت حرف تي قدامك حلين اذا رحت يسار يوديك للدوك يارد .. اذا رحت يمين يوديك للقن وورف .. وش القن وورف انا اقولك .. هذا مجمع اسواق ومطاعم وسينما .. اغلب المحلات على قولتهم اوت ليت .. من المطاعم الموجودة هناك ناندوز .. وفيه مطعم هندي بعد ممتاز نسيت اسمه .. بالاضافة الى مطاعم الوجبات السريعة .. وممكن تطلع برج السبيناكر .. وتشوف .. مناظر غيرطبيعية .. من القن وورف يمديك تطلع مشي للبحر .. وهناك بتلقى متحف بحري .. اذا لك بالمتاحف .. اذا مالك في المشي فيه قطار سياحي يطلع من القن وورف الى وسط المدينة .. اعتقد ما تتجاوز اسعارة ال 3 باوند للشخض البالغ .. واقل من كذا للاطفال .. طبعا الميزة .. تقدر تركب هالقطار لمدة يوم كامل رايح راجع .. لاحظ انك اذا وصلت السنتر .. يمديك تروح بعد للبحر من هناك ..
بعض المواقع قد تكون مفيدة لك
الموقع الرسمي للقن وورف http://www.gunwharf-quays.com/
موقع السبيناكر تور http://www.spinnakertower.co.uk
اتمنى اني افدتك .. ولو الادارة ما عندها مانع .. ممكن احط روابط تقارير بسيطه سويتها في مواقع اخرى
مع السلامة