وعليكم السلام هل حجزتم ؟؟ من كلامك انكم ماحجزتم للحين , الافضل حاليا تحجز بعديت اذا حصلت حجز تكتب الموضوع علشان البرنامج..كيرلا فيها 3 مطارات دولية ولاتنسى الفيزا

الافضل القدوم الى مطار كوتشين والعودة من ترافتدرم.. او العكس فيه رحلات على طيران ناس الى كاليكوت لو تحجزون الذهاب الى كاليكوت وترجعون من كوتشي او ترافندرم على اي خطوط.. شاور ربعك
كيرلا فيها الشلالات والطبيعه الي تبيها والاكل خذ معك عزبة صغيرة وهيرتر كهربائي اصلي وماراح تحصل المعلبات الي تبيها خذها من هنا
بالنسبه لقوا ما اعرف عنها شي..هذا مالدي

اخي الكريم عبد الرحمن .. وعليكم السلام ورحمة الله وبركاته .. وبارك ربي فيك واعلى منزلتك بالدنيا والاخره
طبعا مبدئيا قوا فيها مطار دولي لكن مو كل الخطوط تنزل عليه لكن اكيد لو حجزت عالهنديه رح تلاقي عليه .. وبومباي فيها وتنزل لها الخطوط بما فيها السعوديه لكن بعيده ومشوره مالها داعي الا اذا كنت مظطر ومالقيت حجوزات
طبعا بناء على كلامك رح تبدأ بقوا ولذا الوصول اما على قوا او منقلور او بومباي في اقصى الظروف .. اما العوده فخليه على تريفاندروم بالدرجه الاولى ولو مالقيت يكون على كوتشين .. ونصيحه احجز طيران داخلي من قوا لكوتشين المسافه طويله بالسياره تعب وضياع وقت وممكن تناسب لو كنت بتزور شمال كيرلا لكن المناطق التي تراها هنا بالمنتدى كلها وسط وجنوب كيرلا
اما لاستفسارك عن الاماكن فكيرلا وقوا فيهما افضل المنتجعات وتتميز قوا بوجود الشاليهات والفلل الخاصه الفاخره لكن قوا مافيها الا شواطئ حاره نوعا ما ولاتكثر فيها الخضرة مقارنة بشواطئ كيرلا ويعيبها كثرة السياح الاجانب
واما كيرلا ففيها تنوع كبير من اشكال الطبيعه الشلالات في اذربلي - البحيرات وهي حاره نوعا ما لكن ليست حراره مزعجه لوجود الرطوبه في كومراكوم والبي .. السواحل الدافئة في مراري وكوفلام .. والغابات الجبليه البارده في مونار وتيكدي و المناطق التجاريه في كوتشين
واذا احببت زيارة قوا فيكفيها 3الى 4 ايام اما كيرلا فحسب المناطق التي ستقرر زيارتها وغالبا يجب ان لا تقل عن اسبوع
اما الاغراض طبعا عدة القهوه لازم .. والباقي حسب ما تحبون اذا انتم من هواة الطبخ والنفخ خذوا عدتكم معكم واذا تبون الراحه والدلع خلكم على اكل الفنادق ... والمعلبات خذوا معكم احتياط جبن وتونه واي معلبات تحبونها .. لان الفنادق غالبا فيها عالفطور فاصوليا وادامات مثل العدس
وانت اعتمد التخطيط الزمني الي تبيه واحنا بإذن الله معك في وضع البرنامج

اختي منار حصلنا حجز الذهاب بقواا والعوده من كلكتا عن طريق خطوط ناس عوده مباشره للدمام وباسعار منافسه لكن ياختي حسب خبرتك كم تتوقعين المسافه بين قوا وكيرلا ؟ وهل هناك مكاتب سياحيه ترتب البكجت

اخي الكريم .. حياك ربي حسب مواقع الانترنت وبذلك لست متأكده منها فان المسافه حوالي 806 كيلو وتقدر بالساعات 11 ساعه وانا شخصيا اتوقعها اكثر والله اعلم .. وجميع المكاتب هناك ترتب لك حجوزاتك في جميع انحاء الهند حتى لو المكتب بكيرلا مثلا او قوا .. لكن ابحث عن الثقات
وممكن لو حابين تنتقلون بالسياره ترتبون لكم يوم في منطقه وسط بينهم للراحه ولقطع طول المسافه في مناطق شمال كيرلا
دمت اخي والجميع بخير