NooR-18
انا راح اكون في لبنان ان شاء الله ثاني يوم في العيد برفقة صديقي ,,
و هي اول زيارة لي ,,,
أولا : اريد السكن في فندق يطل عالبحر و بحدود ال 100 الى 200 دولار , هل هناك فنادق متوفرة بنفس المواصفات ؟
ثانيا : رحلتي مدتها 5 ايام بالتحديد و اريد ابرز و اجمل الاماكن السياحية و الترفيهية ,,
ثالثا : هل الاسعار تكون مرتفعه في هذه الايام ,, اقصد المطاعم و الكافيهات !
فقط ,,
أتمنى المساعده من الاخت عبير لبنان ,,
عليكم السلام ورحمة الله وبركاته
يا هلا فيكم تجوا بالسلامة
بالنسبة للفندق عندك لانكستر روشة وكمان رويال بلازا وكمان فندق الديروي واكيد لازم تعجل بالحجز لأنو حسب علمي الحجوزات فل
بالنسبة للأماكن السياحية هيدا جدول سياحي للأخ زين كتير رح يساعدك وهو 5 ايام
https://artravelers.com/p/re/260683
وان شاء الله الي عودة على موضوعك بعد شوي ورح كمل باقي المعلومات

شكرا اختي عبير على التجاوب ,,
والمواضيع استفدت منها كثير
بانتظار الباقي ,,

انا سمعت عن فندق حلو وجيد وخمس نجوم من شركة الصرح للسفر والسياحه ومصنف من ضمن افضل الفنادق ال ***** وعلى البيتش مباشره وسعره معقول وهو فندق
(( كارول بيتش ))
سفر سعيد انشالله

مشكور اخوي رزين ,,
واشوف ان شاء الله الفندق كيف

رزين العقل
كم سعره بالعيد

حجزت لشخص 7 ليالي تقريبا 3700

قصدك الكورال بيتش كمان حلو وعالبحر وهو بمنطقة السامر لاند بس بعيد عن الروشة سوي يعني منو قريب للكافيات والمطاعم بس حلو وما حدا سكن في واشتكى منو

اهلين هيدا جدول سياحي كتبتو الك واسفة عالتأخير
باليوم الأول : فيك تطلع على مغارة جعيتا والتلفريك وحاريصاوتزوروا متحف المشاهير وتتغدى بمطعم مانويلا بجونية وعشية فيك تروح على abc مول او عالسوليدير .
باليوم التاني : فيكم تطلعوا على الشوف مغارة كفرحيم وقصر موسى وبيت الدين وبعدين تنزلوا على جزين فيه ونيك مطعم اسمو نبع مرشد كتير حلو وفيه شلال وقعدة حلوة ولو بدكم فيكم تكملوا على صيدا تزوروا القلعلة البحرية والسوق العتيق ومعالم صيدا الاثرية وعشية او تقضوها بالسوليدير او تروحوا على جونية او تسهروا بمطعم اوتار يعني انا رح اعطيك ترتيب الجداول بالنهار وبالليل عليكم على حسب شو بتحبوا
باليوم التالت : فيكم تطلعوا على جبيل وتزورا قلعة جبيل البحرية والسوق العتيق وفيكم كمان تعملوا لفة بحرية بالقارب وبعدين الغدى بمطعم لوكندا.
باليوم الرابع :التوجه الى الجبل بحمدون ،او عاليه او برمانه والاستمتاع بالغدا فيها او الجلوس بأحد المقاهي
في برمانه عندك البتي كافيه المقر الاصلي ، والمطاعم منير وبرج الحمام وقصر فخر الدين
اما بحمدون افضل الجلسة داخل فندق السفير منظر وجو ولا اروع والمطاعم يوجد الوجبات السريعه ويوجد مطعم الجنه بحمدون جميل
اجمل منطقتين هم برمانه و بحمدون واه عليها بالصيف
اليوم الخامس: هيدا على ذوءك فيك تقضيه تسوق وفيك تروح عالبحر وفيك تطلع على البقاع وزحلة او طرابلس على ذوءك

عبير لبنان
(( ام سوري اخت عبير )) صحيح فندق الكورال طبعا مكتب الصرح بالسعوديه مرشحه لكثير من المسافريين الي يحبون يكوونون قريب من البحر.
طبعا ميزته اطلالته على البحر.
اتوقع نفس اطلالة الموفمبيك.
ايضا اضافة الى السعر المناسب مقارنه بفندق الموفمبيك
تحياتي للجميع
رزين العقل