السلام عليكم ورحمة الله وبركاته ::
حياك الله اخوي ...والله ييسرلكم سفرتكم باذن الله .
بالنسبة للمخطط ما شاء الله عليك ..جميل ومتناسق .
بس ياليت لو توضح لنا هل التنقلات بالسيارة ولا بالقطارات ...عشان نبدأ نقترح عليك الانشطة اليومية الممكن تعملها .
وفي انتظارك.

الله يعطيك العافيه
التنقل بالسياره بأخذها من فرانكفورت وبأسترجعها في ميونخ

السلام عليكم
الرجاء من الجميع المساعده

السلام عليكم
اخوي ماجد ماكنها واجد الفنادق كل شوي وانت شاد شديدك وشايل شناطك شغله متعبة وتضيع عليك الوقت
انا مع الاستقرار في مكان واحد والتنقل منه الى المناطق الاخرى والرجوع للفندق خاصة الاماكن القريبة زي مثال :
زيلامسي وسالزبورغ تراهم بجنب بعض وميونخ بعد اعتبرها قريبة من زيلامسي كلها بالكثير 100 كيلو ساعه يعني
والامر الثاني لاتنسى ان النهار طويل لين 9 ونص مساءا تغيب الشمس يعني عندك وقت كافي مثل تسكن في زيلامسي وتروح سالزبورغ من الصبح وترجع العصر لاني متأكد بتلفها كلها بهالوقت واذا فيه وقت باليوم بعد عندك المناطق القريبة زي ساتسفيلد وتتمشى فيها وترجع لزيلامسي تتعشى فيها وترتاح
يبيلها ترتيب شوي جدولك حلو بس هايدي ماانصحك تبات فيها مرها وتمشى فيها وانت طالع من زيلامسي موجه لانترلاكن يعني تطلع الصبح من زيلامسي بدري مايجي 9 الا انت في مانفيلد وتمشى فيها ساعتين بتكفيك وكمل طريقك على انترلاكن من توصل هناك بتريح اول ليلة واسكن اقل شي فيها 5 ليالي ومنها روح يوم لجنيف مثلا ويوم للشمال ان حبيت رست المانيا لليورب بارك ويوم مثلا روح انسي جنب جنيف وهذي خلها لارحت جنيف تضرب عصفورين بحجر واحد
تصدق هاضت شجوني وانا اوصف لك لذيك الديار ياحلوها شرايك تودييني سواق وياكم ههه ترا الاجازة جاهزة باي وقت اقدمها

4 ايام قليلة على انترلاكن ومن وجهة نظري لو تزيدها الى 6 ايام على الاقل عشان تستمتع بطبيعتها والاماكن السياحية اللي فيها
وسالزبورج تقدر تزورها من زيلامسي مثل ما أشار مشرف بريطانيا فارس الجبيل ولو تقدر تستبدل ايام سالزيورج وتضيفها الى انترلاكن يومين واليوم
الثالث إما تضيفة لزيلامسي او بادن بادن
هذي بعض المواضيع اللي ان شاء الله تفيدك في انترلاكن
https://artravelers.com/p/re/784111
وفي طريقكم من انترلاكن الى بيت هايدي تقدرون تزورون قمة تتلس القريبة من لوزيرن او تقدرون تمرون على مدينة لوزيرن وبعدها تزورون
التلفريك المكشوف كابريو وبعدها تكملون طريقكم الى بيت هايدي http://www.aboaziz.net/blog/?p=1367
وبالقرب من بيت هايدي تقدرون تزورون الاوت لت alpenrhein village outlet
https://artravelers.com/p/re/422088
وبالتوفيق

فارس الجبيل
اخوي فارس الله يعطيك العافيه على ردك الرائع
اخوي مخططي كالتالي:
الوصول الى فرانكفورت ثم الذهاب بالسياره الى بادن بادن لمده ليلتين تتخللها الذهاب الى ريست مدينه الالعاب بعدها 4 ليالي لانترلاكن بعدين يوم في مانفيلد للراحه لان المسافه الى زيلامسي 6 ساعات ويمكن اكنسلها واضيف يوم الى انترلاكن و5 ليالي في زيلامسي و3 في سالزبورج و3 في ميونخ .
قصدك سالزبورج ما تستاهل 3 ليالي , بس فيه ناس نصحوني فيها .
المشكله اغلب فنادق حجزتها ويمكن الاسترجاع ما عدا فندق زيلامسي
الله يحيك خلنا نشوفك هناك ,,,,,حاشاك تكون سواق لنا ,,,

مقدام
اخوي مقدام الله يعطيك العافيه
اشكرك على الروابط اللي حطيتها شكلي بشيل مانفيلد واضيف يوم لانترلاكن كذا صار انترلاكن 5 ايام اخوي شف الجدول حق وابيك تعطيني رأيك متى الاوقات اللي اروح فيها الصباح وهل في نفس الطريق
ابي افضل الاماكن لمده 5 ليالي علما انني بسكن في هذا الفندق http://click.mail.hotels.com/?qs=c655959dfb630c6a1813c89a903d17b366e4417301c590d06e5ea8ea6e3a9a204587d0352cf8fb4475f0e0d05f0fad07 مطل على البحيره :
اليوم الاول يارة Jungfraujoch - Top of Europe وممكن في الصباح الباكر زيارة شلالات ترومبل باخ اليوم الثاني البحيرة الزرقاء بلاوسيه Blausee ,,, ومنها إلى البحيرة اوشن سيه Oeschinensee والتي تبعد بضع كيلومتارت عنها هاردير كولوم اليوم الثالث الزحليقة أو المطل الجديد في انترلاكن والذي يسمى ( Heimwehfluh ) Grimsel Pass جولة في بحيرة تون Thun كهف The St. Beatus Caves
وبسألك عن قمه تتلس هل اروح لها وانا طالع من انترلاكن يعني في طريقي الى زيلامسي او قريبه لهايدي .

بهذا المخطط بيكون عندكم 4 ايام كاملة في انترلاكن بالاضافة الى يوم الوصول
واقترح عليكم الجدول التالي
اليوم الاول ,, يوم الوصول الى انترلاكن ,, واذا كان وصولكم من وقت ممكن زيارة الهاردر كلم وهو مفتوح الى الساعه 6 المسا
اليوم الثاني ,, زيارة الاوشن سي وبعدها البلوسي وتضيف لهذا اليوم مطل Heimwehfluh
اليوم الثالث ,, زيارة شلال التروميل باخ و قمة جونغفرو
اليوم الرابع ,, زيارة مصنع الشوكلاته + مصنع الجبن + جبل ميلسون وممكن اضافة قلعة جريير
اليوم الخامس ,, بزيارة شلال جيس باخ وشلال Reichenbachfall وخوانق الار وممكن في هذا اليوم زيارة جرينوالد في الصباح بدري
ووزيارة الزحليقة الصيفية في قمة Pfingsteggbahn
اليوم السادس ,, مغادرة انترلاكن الى زيلامسي تمرون على بيت هايدي وبعدها تمرون على متحف سواريفسكي اللي قريب على انسبروك النمساوية
بالنسبة لقمة تتلس فالوقت ما يمديلكم تمرون عليها خصوصا ان طريقكم طويل الى زيلامسي ,, وايضا زيارة قمة جونغفرو تغني عنها
توزيع الايام يرجع لكم ولحالة الطقس
وبالتوفيق

مقدام
اخوي مقدام اشكرك على المساعده
في الجدول اشوفك حذفت بحيره بيرنز و قمة جبل برنزر روثرن و جولة في بحيرة تون وكهف The St. Beatus Caves
واضفت مصنع الشوكلاته والجبن وجبل ميسون وقلعه جريير .
هل اللي اضفته افضل وهل الاماكن في كل يوم متسلسله يعني في طريقي قريبه لبعض
اي واحده اروح اول .
وبسألك انا معي سياره هل يحتاج اركب القطار لقمه جونغفرو وكيف الوصول لها
وهل تنصحني بالسويس باس
وشكرا لك