امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
طالب USA
20-06-2022 - 06:58 am
السلام عليكم ورحمة الله وبركاته
في البداية احب اشكر كل الأعضاء لانهم بصراحة مجتهدين في توضيح اشياء كثيرة جداً عن الولايات المتحدة الاميركية و الدراسة فيها من بداية التقديم على السفارة الامريكية في الرياض وحتى ادق التفاصيل ..
موضوعي مستعجل ولا يحتمل التأخير ...
أخذت إجازة من عملي لمدة 6 شهور للدراسة في الخارج (دراسة اللغة الانجليزية ) من بداية شهر 4 القادم
وكنت افكر وين اروح كندا او استراليا او نيوزلاندا او بريطانيا ...
وكانت امريكا خيار غير قائم بالنسبة لي ... لكثير مما نسمع عنها وصعوبة السفر اليها
الا انه بالصدفة ارشدني احد الزملاء على هذا الموقع وقال ادخله وبتقتنع وبتغير رايك
والان يا امريكا يا لا ...
المهم قدمت على السفارة واعطوني موعد يوم 6/1/2009م، ولاكمال المستندات انا وقف هنا ...
لاني لا اعلم اين اذهب الى ولاية ولا اي معهد ولا ادري عن اي شي
فزبدة الموضوع ابغى مساعدة وين اروح اي ولاية واي معهد لاني لازم اقدم على المعهد من الان علشان تكون اوراقي جاهزة بعد العيد .. وصدقوني ما فيه احد يفيدني ابد ابد
وماودي اروح للمكاتب احس انهم ما يشفون الغليل ...
فودي تكفون تحددون لي:
1- اسم الولاية.
2- المعهد (إن أمكن)
3- مميزات الولاية/عيوبها
4- مميزات المعهد (إن أمكن)
5- معلومات أخرى مفيدة ..
6- مكاتب تفيدني في الرياض ..
ابيكم الله يجزاكم خير توجهوني لاني لا اعلم شيء ابد ابد
وبالنسبة للامكانيات المادية ماعندي مشاكل ولله الحمد


التعليقات (9)
Soozee
Soozee
يسعدني اكون اول وحدة ترد علييك واناا انصحك تروح ميامي دايم يمدحونهاا واعرف كثير ناس هناك والمعهد تابع للجامعه تبع ميامي وادخل الموقع وان شاء الله بتستفيد

wise guy
wise guy
اخوي صدقني بتتعب كثير بالنسبه للولايه الي تبيهاا
الخلاصه امريكاا كل ولايه تقول الزين عندي
انت وش تحب وش تميز يعني تحب الطبيعه والجو افظلك سياتل
تحب سعه الصدر و
كالفورنياا وفلوريدا
فكر زين
بالتوفيق

طالب USA
طالب USA
يعطيكم العافية
ووين الباقين
ابي احد يشور علي انا طالع من الحر هنا في الرياض وابي تغيير في الجو والطبيعة ولا ابي عرب اخاف اخش معهم ولا استفيد لغة ... (خبركم انا راعي سواليف واجتماعي درجة أولى )

طالب USA
طالب USA
يعطيكم العافية
وبالنسبة للي ابيه
ماتفرق معي
لكن ان كان الجو حلو والطبيعه خلابة وش اللي يمنع
حر على كيف كيفكم في الرياض لو نروح لابها ننبسط
فعلى درجة حرارة 25 بلبس فروة
يفضل قلة العرب في الولاية الموصى بها لاني راعي هذر واحب الاجتماعات والسواليف ... علشان كذا ابي اماشي جون وطوني ...
ووين باقي الاعضاء خبرتكم سطروها هنا تكفون ..

fms
fms
بالنسبة للولايه : كاليفورينا .. انت جاي دارسه لغه .. يعني لازم تطلع وتجي وتحتك مع العالم .. وافضل شي انك تسكن في مدينة فيها احتكاك مع العالم.. يعني لا تفكر تروح قرية او ولايه فقيره .. ركز على الولايات القوية نيويورك - فلوريدا - كاليفورينا - ميسيتتوس.
المدينة لو بيكون معك سياره انصحك بلوس انجلوس او سان ديقو. لو ما تحب الزحمه و المشاوير ابعد عن لوس انجلوس وخلك في سان ديقو و يمديك تروح لوس انجلوس في الويك اند و الاجازات.
لو قلنا سان ديقو في جامعتين فيهم معاهد ممتازه من خلال تجربتي لواحد منهم اشوف انه ممتاز و الثاني لان الشباب يمدحونه. ميزه معاهد الجامعه تكون اكبر من المعاهد العادية. و حتى لو في عدد كبير من الطلاب العرب عدد طلاب المعاهد التابعه للجامعه يكون كبير وفيه جنسيات كثيره وفي الصفوف ما يكون معك عرب كثير ..
المعيشه في سان ديقو حلوه .. لو ما معك سياره تقدر تستخدم المواصلات العامه ولكنها متعبه شوي و تاخذ من وقتك كثير.. افضل انك تستاجر سياره بالشهر. السكن معقول نسبيا العوايل يمكن تكون ب 700 اكثر او اقل .. شامله فطور و عشا.
الجو حلو في سان ديقو بالصيف يكون حار شوي .. و بالشتاء معقول ولا فيها ثلوج ..
من عيوب سان ديقو كثره اللاتينوو .. ولكن اهون من ميامي لان في ميامي اللغه المنتشره الاسبانيه اكثر من الانجليزي..
اسم المعهد الي درست فيه:
American Language Institute.
http://www.americanlanguage.org/
او شوف معهد في منطقة لوس انجلوس مثل سانتا مونيكا و باسدينا .. من الجامعات الي في لوس انجلوس :
The University of Southern California
http://www.usc.edu/
لو تحب تتنقل في اكثر من مدينه و يكون كل شهر تقريبا في مدينة انصحك بالمعاهد الي يكون فيها اكثر من مركز مثل ELS

طالب USA
طالب USA
الله يعطيك العافية اخوي fms

لولايت
لولايت
انا درست بساوث كارولينا
"كولومبيا" ماعرف يمكن المدينه مو مره بس انا حبيتها وكل شي قريب منها والتدرييس والله ماشاء الله قوي

طالب USA
طالب USA
يعطيك العافية لولايت
فيه واحد من الشباب ماقصر سال الى ان حصل واحد سبق ان درس في سياتل
في معهد تابع للجامعة اسمة يونفيرستي اف واشنطن U.w
يمدحه مره مره
وش الراي ؟!

احب امريكا مرره
احب امريكا مرره
ياجماعة انا ودي اروح امريكا في العطلة
ْْْْXXXXXXXXX
يمنع من الادارة وضع او السؤال عن مكاتب سياحية .. بسبب الدعاية لها ..
مع تحيات مراقب المنتدى ومشرف البوابة الامريكية
Impact
ودي تنسيق مع المعهد والسكن مع عائلة وغيرها وللعلم انا من الاحساء
بس المسكلة ما اعرف معاهد الا اللي تروح كندا وابريطانيا وفنزويلا بس ودي اروح امريكا


خصم يصل إلى 25%