طبعا هذا موقع القطار لكن ما أعرف!!
http://www.raileurope-gcc.com/

لندن بالقطار تقدر تروح باريس و بلجيكا
غيرها لا بيكون شي غير منطقي بسبب البعد و ساعات السفر

aLKuwaitia
شكرا للمعلومة
إذن نخليها كذا : أسبانيا ثم لفرانسا ثم لبريطانيا بلجيكا ومنها لهولند ثم لألمانيا ثم سويسرا ثم إيطاليا ثم تركيا

مو شايف ان تو متش؟ انت رايح للدول هذي من قبل؟ ماراح تعطي كل دوله حقها
لو تخلي السفره دولتين او 3 عشان تشوف كل شي بكل ديره
و توفر التعب اللي بتتعبه بالتنقلات
خاصه انك شلون بتروح من اسبانيا لي فرنسا؟ اذا بتوصل لي باريس عشان تاخذ القطار لي لندن
من برشلنه لي باريس تقريبا بالقطار اللي ما يوقف الغالي تقريبا 12-14 ساعه !
يعني يوم كامل رايح من السفره
9 دول بسفره وحده و اقل من شهر لا و بقطار شي خيالي غير واقعي ابدا
طبعا انت و راحتك
بس الخطه غير موفقه بتاتا .. اعتقد انك اول مره بتسويها و لا انت عارف بالضبط المسافات و ساعات القطار و اسعار القطار و البعد بين هالدول ابدا

الكويتية
والله نصيحة بمحلها ، وأنا مو بس تقبلتها الا اقتنعت فيها
طيب الغرب أسبانيا فرنسا لندن وبس
بس ياليت تساعديني والله أول مرة أسافر أوربا

ممكن لندن من اسبانيا الي لندن او باريس تاخذ طياره .. في طيران اقتصادي بين دول اوربا او اذا حصلت سعر رخيص علي البريتش او غيرها ..
و بعدين بالقطار تقدر تروح من باريس الي لندن ..
و ترجع ديرتك من لندن دايركت لما تخلص ..
انت مده سفرتك كلها كم يوم؟

alkuwaitia
والله الحمد لله ما عندي مشكلة في الوقت
وثانيا - ما ودي أروح بطيارة خصوصا بين الدول الأوربية حتى لو كانت الرحلات الجوية ببلاش أنا يهمني ويهمني جدا السفر بالبر حتى أشوف الأرض بعيوني هذا هدف أساسي للرحلة يعني ممكن أكنسل الفكرة كلها إذا ما توفر هذا الشيء
لذلك أتمنى منك تزويدي بمعلومات حول أهم المحطات اللي تستاهل الزيارة وكم الوقت الذي يقضيه القطار بين محطة والأخرى
أسبانيا - فرانسا - بريطانيا
تحياتي للتفاعل الطيب

بين اسبانيا و باريس بالقطار 12-13 ساعه .. ما عندك مشكله؟ انا اقصد من برشلونه انت عندك فكره اي منطقه بتزور؟
بين باريس و لندن ساعتين بس

إذا كان لا يوجد إلا هذه الطريقة ماعندي مشكلة
لكن إذا أحد عنده خبرة ياليت ينصحني بحلول أفضل -لكن عن طريق البر فقط- يعني مثلا أتوجه إلى مدين قريبة من فرانسا ثم إلى باريس
وبالنسبة لسؤالك إذا كان عندي فكرة عن أي منطقة بأزور الجواب لا ماعندي وعلشان كذا أنا دخلن هنا أستفيد
أذا أماكن تنصحين بزيارتها.