يوجد في شارع صاري مقابل مكتبة جرير شركة تركية ممتازة اسمها تشيليك (وتعني فراولة وهذا شعارها على المحل) بنفس المبنى الذي به حلويات سعد الدين وموبايلي. بضاعتهم جميلة وصناعتها جيدة جداً ولكن أسعارهم فوق المتوسط بقليل.
أما في شارع الروضة (مقابل محل لومار تقريباً) فيوجد محل ألماني اسمه هابا بضاعته رائعة جداً وبعض غرفهم يمجون مع المفروشات ألعاب حركية ممتعة للأطفال ويهتمون كثيراً بموضوع الأمن والسلامة ولكن أسعارهم فلكية!!
وشارع الروضة عموماً مليء بمحلات المفروشات المتنوعة.

@amn@
شكراً....الله يحفظك.

شارع صاري بجوار الضباء الي عند دوار الفلك
في جنوب جدة حراج الصواريخ (سوق بن عمرين ) اسعار ممتازة في وسط السوق تفصيل ويسوي للسرير دعامات
يتحمل الكبار

في جنوب جده سوق الصواريخ
في محلين فقط عندهم بضاعة نظيفة شغل صيني لكن محترم وقوي وأسعارهم معقوله جدا جدا..
اما موقعهم بجانب سوق بن عمرين على الخط مقابل مجرى السيل
الاثاث العصري
وبانوراما
وحتلاقي في نفس الصواريخ اماكن كثيره لغرف الاطفال وطبعا تفصيل وطني واسعارها زهيده لكن شغل اي كلام بصراحة سيئة جدا جدا جدا.. انا لفيت اسبوعين وانا ادور غرف لاولادي واخيرا رسيت على المحلين اللي ذكرتهم
وكمان عندك في سوق الاتحاد كيلو 2 تلاقي محل على الشارع العام (طريق مكه)اسمه بن شيهون بضاعتهم نفس بضاعة المحلين اللي في الصواريخ لكن اغلى بشي بسيط جدا
وبالتوفيق

عزيزي عندك مفروشات العامر بشارع الستين بجوار العائلة مول
اتذكر انه مسوي تخفيضات ماادري الى الان ولا لا...

@amn@
هذا المحل بضاعته موجودة في محل آخر وباسعار اقل بكثير
المحل موقعه في نفس شارع صاري ,وانت نازل للشرق تصل الى دوار الفلك
بعد ما تعدي دوار الفلك راح تكون كلية البنات على يمينك , على يسارك مباشرة وبجانب محلات تفصيل المطابخ راح يكون المحل و اسمه ( مفروشات بيت العز) هذا عنده بضاعة تركية رائعة وبأسعار من حول 5000 الاف ريال تزيد وتنقص حسب الموديل وعدد القطع
بضاعة هذا المحل هي نفس بضاعة هوم بلازا ولكن بسعر اقل بحدود 1500- 2000 ريال , وعليها ضمان واسأليهم عن الضمان
ايضا فيه محل عنده بضاعة صينية درجة ممتازة جدا وفاخرة وشغل نظيف وموقعه عند دوار الدراجة من جهة الجنوب الشرقي , فيه سوق صغير بجانب الدوار , كله محلات اثاث و الخ , لكن والله نيسات اسم المحل , لكن لو تروحي وتشوفي المحلات اللي هناك , راح يكون هذا المحل هو المميزن بينهم , حتى ان عنده بضاعة يصل سعرها الى حدود 7000الاف ريال اذا انا مو واهم ....
بالتوفيق