وعليكم السلام ورحمة الله وبركاته
أختي العزيزة الأخوان والأخوات في بوابة بريطانيا ما راح يقصرون، وأنا من صوبي بحط لك رابط تقرير لمدة خمسة أيام جوفيه وأخذي بعض المقترحات اللي فيه، والأخوان والأخوات ما راح يقصرون باقتراحاتهم اللي راح تفيدك، تفضلي:
https://artravelers.com/p/re/783101
ورحلة سعيدة إن شاء الله

وعليكم السلام ورحمة الله وبركاته
هلا وغلا هيا
بل !!
حد يسكن فندق ثيستل !!!!!!
الله ايكون في عونكم ^_*
لانه من احلى الفنادق في لندن ^_^
اختيار موفق للفندق وبالنسبه لنا دوم هو الخيار الأول لأن الغرف وسيعه وافضل من الكامبرلاند بالنسبه لنا ..
فلا اتشيلون هم الفندق لانه اوكي ..
بالنسبه للمحلات والاماكن الحلوه عندكم شارع اكسفورد + الريجنت ستريت + الكوفنت قاردن للنقاهه وقعدة كوفي هناك واتفرجون على الناس وعلى الي ايسوون حركات بهلوانيه ..
واي خدمه احنا في الخدمه

ماقصرو الخبراء
ويوجد في المنتدى مواضيع كثيرة وشيقة

لندن ياجمال لندن وياعيني ع لندن انا بالخدمه لاي سؤال بخاطرك حبيبتي
https://artravelers.com/p/re/645656
مطاعم لندن
https://artravelers.com/p/re/287437
التسوق في لندن
https://artravelers.com/p/re/727913
وباختصار بتكلم عن التسوق واهم واجمل الاماكن :
التسوق طبعا الاكسفورد والريجنت ستريت والبوند ستريت ماركات وكل المحلات
لايطوفك برايمارك محل كبير والاسعار يابلاش والكواليتي ممتاز
هامليز محل الاطفال الشهير 5 طوابق في الريجنت ستريت
ام امز في البيكاديلي
البيكاديلي مكان رائع في الويك اند استعراضات ورسامين
النايسبريدج فيه الهارودز وهارفي نيكلز والشارع كله محلات ومطاعم من ارقى شوارع لندن
ويستفيلد مول عجيب وقعدات الكوفي فيه بطله واقوى شي تنزلين في محطه شبردبوش وصولا له
الكوينزوي والكينج ويز فيه محلات تجاريه
مطعم خان بالكوينز وي بطل اذا تحبي الاكلات الهنديه مثلي خ

القطري
بل بل بل بل خ

haya alshammeri
السلام عليكم
وعليكم السلام ورحمة الله وبركاته ... مسامحه كنت مسافر وتوني راجع
اللي عرفته من تقريرك انه اغلب الاماكن زرتها عن طريق الباص وهالشي مريح بالنسبه لي لاني توقعت اني راح اكون ملزومه استخدم التكسي للوصول للاماكن السياحيه
أي نعم كانت عن طريق الباص السياحي وباقي الاماكن اللي ما قدرت أزورها خلال اليومين رحت لها بالاندرقراوند
السؤال الحين شنو طريقة حجز الباص يعني لازم اكون حاجزه التذاكر قبلها ابيوم ولا مجرد ما اني اوصل لمحطة الباص احجز تذكرته ؟
تدخلين على موقعهم بالنت وذكرته في التقرير وعندج طريقتين إما أنج تحجزين من النت وبيكون أرخص أو توقفين في محطة من المحطات اللي يوقف فيها الباص والأسهل عند حديقة الهايد بارك خلف الماربل آرتش بتجوفين الباصات موجودة هناك تقدرين تحجزين منهم التذكرة
السؤال الثاني الاندر جراوند بالنسبه لمبتدئيين بالسفر يعتبر سهل ولا راح ايضيعنا :\
لا الاندرقراوند في لندن سهل وما يضيع بس أهم شي تعرفين المحطة اللي راح تروحين لها وتتبعين الخط اللي فيه المحطة وحتى لو قلتي حق الاستعلامات إنج راح تروحين المحطة الفلانية وبيقولون لج وين تروحين، وفي موضوع مصور مسويه أحد الاعضاء عن استخدام الاندرقراوند
السؤال الثالث حجز القطار من لندن لباريس لازم قبلها ابفتره ولا ابنفس اليوم؟
أنا حجزت القطار من البحرين بالنت واستلمت التذاكر قبل لا اسافر لندن لاني أفضل ايكون كل شي مضبوط وما احاتي الظروف في حال عدم توفر تذاكر القطار
كثرت الاسئله ميخالف واكون شااكره لردك علي
بالعكس اختي انا حاضر لا أي استفسار وبالخدمة