alkuwaity
19-10-2022 - 05:05 am
السلام عليكم ورحمة الله وبركاته
كيف حالكم ان شاء الله بخير
يا اخوان اخوي وعائلته باذن الله رايحيين لصلاله لاول مره بتاريخ15-7-2008
اخوي وكل الله ثم وكلني اسوي له جدول سياحي عائلي حلو
يعني نبي الاماكن اللى تستحق الزياره والترفيهيه والاشياء الحلوه لمدة عشر ايام
وبالنسبه للجو بهذا التاريخ تنصحون فيه ولا اخليه ياجل شوي
وبالنسبه للسكن هو حاجز سكن م ن الكويت وخلاص
بس نبي جدول وبارك الله فيكم
وشنو رايكم بشاليهات فليج حيث انه حاجز فيه
فمان الله
بالنسبة لشاليهات فليج اتوقع نفسها سمهرم اذا ماخاب ظني ليست خمس نجوم وانما تعتبرجيده وانا قد سكنت فيها قبل خمس سنين تقريبا ولاعلم لي بمستوى نظافتها بعد هذه السنين ولكن ميزتها قربها من البحر والخصوصية وتصلح للعوايل الكبيرة اكثر ويوجد فيها مسابح ومهرجان بنفس القرية تستطيع قضاء الليل فيه
اما بالنسبة للاماكن السياحية انصحك بالاستيقاظ باكر للاستفادة من النهار اغلبه لان صلالة لايوجد فيها شي يذكر في الليل
وعندك وادي دربات (شلالات) وشاطيء المغيسيل (كهف ونوافير طبيعية) والعيون كثيرة ولكن انتبه من الناموس يكون كثيرعند العيون
وعندك كمان سهل اتين وعندك شاطيء بسيط جدا ولكنه رائع عند منطقه الدهاريز وكذلك شاطيء طاقه وهي قرية قريبة من صلاله ولا تبعد الا حوالي 50 كلم تقريبا عن صلاله ولكنه رائع ولاتوجد فيه زحمة
الشيء الذي لايختلف عليه اثنين روعة جمال وجو هذه المدينة و كذلك طيب اهلها فهنيئا لهم هذه النعم وزادهم الله من فضله