والله يا خوي ما انصحك بكثره التنقلات في 12 يوم
الافضل يكون البرنامج كالتالي
فينا 3 ليالي
سالسبورق ليلتين
زيلامسي 5 ليالي
ميونخ ليلتين
اذا اعجبك البرنامج احجز طيران الذهاب على فينا
والعوده من ميونخ
وراح اساعدك في اختيار الفنادق

هلا فيك يالغالي
اعتمد هالبرنامج خلاص
فينا 3 ليالي
سالسبورق ليلتين
زيلامسي 5 ليالي
ميونخ ليلتين
ولكن كيف طرق التنقل بين هذه المدن وهل نقدر نقص التذاكر من هنا او لا ؟
وماهي الفنادق في كل مدينه
في انتظارك

بالنسبه للتنقلات الافضل والاجمل يكون بالسياره
تستاجر السياره من هنا عن طريق مواقع شركات التاجير او مكاتبهم هنا
في موقع اسمه ترفل جيغسو
تقدر تحجز عن طريقه وبالعربي ولهم رقم مجاني تكلمهم
بالنسبه لطريقه التنقلات
من فينا الى سالسبورق بالقطار تحجز تذاكر القطار اذا وصلت فينا
اذا نزلت سالسبورق روح للفندق وريح وبعدها اطلع بالتكسي الى فيلارسنق 10 دقايق تقريبا
استلم السياره وكمل باقي المده في سالبروق وبعدها اطلع الى زيلامسي وكابرون
ومنها الى ميونخ وسلم السياره اول ماتوصل الى ميونخ
هذا الخيار الارخص
ايضا ممكن تستلم السياره اخر يوم في فينا وتطلع الى زيلامسي ثم سالسبورق وتسلم السياره في سالسبورق وتطلع بالقطار الى ميونخ
بالنسبه للفنادق
كم نجمه تبي خمس اربع وحدد ميزانيتك عشان اساعدك في الاختيار

الله يعافيك
الفنادق ابغى اربع نجوم
الميزانية للفنادق من عشر آلاف إلى خمسة عشر الف

آآآآآسفة قطيت وجهي معكم
أنا برنامجي مشابه لبرنامجكم المقترح
0أيام
2 فيينا
2 سالزبورغ
4 زيلامسي(أهم شي عندنا الطبيعة)
2 ميونخ
معليش تفيدني أنا بعد بأسماء الفنادق يعني بحدود 500 ريال لليوم
وهل تقترح إني أحذف سالزبورغ(ما أدري ليش أحسها مو حلوة مقارنة بزيلامسي وفيينا) وأضيف بدالها انترلاكن السويسرية
مره محتاره
سألت في قسم الاستفسارات ومحد عطاني وجه
وليش لازم تسلم السيارة وتسليمها من فيلارسنق
مايصلح أستلمها من فيينا وأسلمها في ميونخ؟؟؟
الله يفرج عليكم دنيا وآخره

طماطم اخضر
بالنسبه للبرنامج مناسب جدا
انترلاكن بعيد مره في سويسرا
ومايصلح نضيفها لانها بعيده عن المسار الصحيح
بالنسبه للسياره عادي جدا استلموها من فينا انا عن نفسي حجزتها من فينا
بس الاغلب يفضلون فيرلاسنق لانها ارخص شوي فقط
يعني ممكت تستلمونهها اخر يوم في فينا والتسليم يكون في ميونخ اول ماتوصلون
او في سالسبورق عشان فيه ضريبه للتسليم في دوله اخرى
الافضل مو جه نظري الاستلام اخر يوم في فينا الانتقال الى زيلامسي قبل سالسبورق ثم سالسبورق والتسليم اخر يوم ثم الانتقال الى ميونخ بالقطار

بالنسبه للفنادق
فينا فندق nh شارع ماريا هلفر
Hotel Mercure Wien Westbahnhof
خطوات عن الماريا هلفر وبجانب محطه القطارات الرئيسيه
سالسبروق
Radisson Blu Hotel & Conference Centre
Ramada Hotel Salzburg City Centre
Best Western Plus Parkhotel Brunauer
الاخير سعره مناسب جدا وفيه مواقف مجانيه للسيارات وقريب من محطه القطارات
زيلامسي
فندق سي هوتيل
بس انصحكم بالسكن في كابرون شوفو اي شقق مستواها قريب من بعض
ميونخ
InterCityHotel München
City Hotel München
Fleming's Hotel München-City
Leonardo Hotel München City Center
جميعه قريبه من محطه القطارات الرئيسيه ومن ساحه المارين بلاتر

الله يعطيك العافيه وماقصرت والله
واذا تقدر ابغى برنامج لكل مدينة والاماكن السياحية فيها واوقاتها
منك او من اي واحد يقدر يفيدني
فينا 3 ليالي
سالسبورق ليلتين
زيلامسي 5 ليالي
ميونخ ليلتين

الله يعطيك العافية أخوي وما قصرت
طيب الحين فرق السعر واجد لما أسلم السيارة في بلد آخر
يعني كم تقريبا
وعندي تساؤل :هل سالزبورغ تستحق الزيارة ؟وإلأا أكتفي بفيينا وزيلامسي وميونخ
وش المميز فيها عن باقي المدن يعني؟؟
لأني من خلال إطلاعي على التقارير ما فيها إلا النهر هو أميز شي فيها والباقي أحسه تكرار
وإلا وش رايكم؟؟؟؟؟؟؟؟؟