ملاحظة :
هذي أول مرة أبغى أزور فيها سويسرا .. وين أروح ؟

ممكن تحدد لي وين بالضبط نازل في سويسرا
وهل معاك سيارة ايجار
وكم عددكم (القصد عائلة كبيرة واطفال ) ام كبلز

أنا رحلتي كالتالي :
جدة ---------> باريس ------------> سويسرا ---------------> زيلامسي ---------> ميونخ --------> القاهرة ----------> جدة
وبصراحة احنا نواجه غموض شوي عن باريس وسويسرا لأنها الزيارة الأولى .. وبصراحه نبغى نستغل رحلتنا كويس .. وفترة السفر في داخل أوروبا تقريباً 16 يوم نبغى منها 6 أيام أو 7 لزيلامسي لأننا نعرفها كويس والحمدلله .. أما عددنا فهو أنا شيخ العيلة والمدام وكمان بنتنا 6 سنوات وولدنا سنتين والشغالة .. يعني 5 أشخاص ...
شكراً لكم وراح ننتظر الرد ..
شكراً

مو أنا
أولا الغموض اللي عندك اكيد شيء طبيعي وما يزول الا بالسفر والتجربة
وممكن الغموض يزول ايضا لو قرأت تجارب غيرك من الأعضاء
والبوابة السويسرية ما شاء الله مليانة مواضيع بالإضافة لمواضيعي الخاصة داخل الدليل
وبما انكم عائلة ما شاء الله متوسطة الحجم ومعكم أطفال فإقتراحي لكم ومن واقع خبرة وتجربة يكون كالتالي
جدة
باريس
زيورخ ومنها بالسيارة او القطار انترلاكن 4 ايام
سالزبورق (زيلامسي)
ميونخ
القاهرة
جدة
ونصيح لا تتبهذل بالقطارات بين الدول الأوروبية
استخدم الطيران الإقتصادي مثل ايسي جت واخواته
التذاكر والله على 20 و 30 يورو للشخص واسرع واريح لكم
المهم
انك تثبت حجوزات الطيران الأساسية بين جدة وباريس
وبين ميونخ و القاهرة
تعمل مخطط بالتواريخ مبدأي
تشوف الرحلات المتوفرة وتبدأ تغير + - يوم حتى تضبط معاك تذاكر الطيران
بنفس الوقت شوف الفنادق وامكانياتها
اللي ممكن افيدك فيه هو سويسرا / انتلرلاكن / فندق متروبول Motrepole
تحياتي

بصراحه راح اموت خجلاً ووجلاً منك يا ابو عزوز
شاكرين لك وجزاك الله خير