ksa moon
30-10-2022 - 11:52 am
ان اشاءالله يوم الجمعة رايحة للبحرين بعد صلاة الجمعة
بغيت تفيدوني هل يكون الجسر في هذا الوقت مزدحم
وين موقع الشقق اللي تتكون من غرفتين ومايتعدا سعرها 30 دينار
وهل عندكم سوق متخصص بالعبايات وفساتين السهر او اماكن تجمع هذي المحلات ووش افضل صالون نسائي لاني حابة اقص هناك وافضل اماكن للاطفال
واذا تقدرون تسون لي جدول لمدة يومين اللي هو يوم الجمعة ويوم السبت لاني الاحد الصبح عندي رحلة
تكفون لاتخلوني ضايعة انا بحاجتكم
جزاكم الله خير
حياك الله في البحرين ..
اي نعم الجسر هالوقت بيكون ذبحه مو بس زحمه
افضل وقت تطلعون من الصبح على الساعه 8 او قبل بتكون الزحمه اخف
وبالنسبة للعبايات عندك سوق المحرق والبوكواره في الرفاع مليانين محلات عبايات
والصالون عندك فندق الرجنسي ممتاز وان شاء الله باقي البنات يفيدونك بصالونات ثانية
وبالنسبة للأماكن خلي مجمع السيف ( وفيه مجك آيلاند للاطفال ) والعالي بنفس اليوم لانهم جنب بعض ..
ولا تنسين تقعدين بكوفي شوب ليلو في مجمع العالي
وفيه مجموعه حلوه من المطاعم في ضاحية السيف ..
وعندك سيتي سنتر فيه اغلب المحلات بالإضافة لالعاب الاطفال .. وممكن تضيفين مجمع الدانه للعيال يلعبون فيه ..
يوم السبت الصبح روحوا جنة دلمون المفقوده ( حديقه مائيه ) والعصر عذاري ( ملاهي ) .. او تخلون عذاري عصر الجمعه براحتكم
وممكن تاخذين لفه في مواد مول (ماركات عالميه) وتقعدين باحدى الكوفي شوبز اللى فيه ..
والسكن ان شاء الله الباقي يفيدونك ومري على الموضوع المثبت بالقسم
رحلة موفقه ...