abcd1984
04-11-2022 - 03:06 pm
السلام عليكم ورحمة الله وبركاته
اخواني الاعزاء انا ابي منك طلب بسيط وهو اريد مطعم يكون حلو وراقي وخيالي وما يهم المكان بس اهم شي يكون فيه هذه المواصفات (الطعم و المكان يكون رومانسي وهادئ) لان بصراحه المدام شويه ماخذه بخاطرها علي يعني بالعربي زعلانه لاني مسافر اكمل دراستي للماجستير ومطول بالخارج
تروح وترجع بالسلامة اخوي والله يوفقك بحياتك العلمية والعملية والله لاييب الزعل بينكم انت والمدام ,شوف اخوي في مطاعم وايد حلوة ورومانسية وقعداتها حلوة واذكر لك البعض منها :
عندك مطعم altissimo يصلح للمتزوجين على دوار الشيراتون بالدور 32
وعندك مطعم التياترو بفندق ومنتجع هيلتون المنقف اكله حلو وقعدته حلوة
وفي مطعم الطاووس بفندق ساس
بالاضافة الى قصر البردوني وفيلا فيروز مطاعم لبنانية جلسته على انغام فيروز اللي بالشعب البحري وفيه فيلا فيروز توه مفتتحينه بالافنيوز
ومطعم البوم بريجنسي رومانسي واكله حلو
ومطعم ريكاردو اللي بالشيراتون
وطبعا الخيارات كثيرة وان شاء الله تطيب خاطرها وتنصلح احوالكم يارب,وتقبل وافر تحيات اختك اصول