خالدالحزين
حياك الله اخوي خالد انت والمدام وبتنور الديره بييتكم .. فندقكم ممتاز وحلوو .. بس المنطقه الحره تعتبر اشوي بعيده عن المجمعات يعني حواليه شركات و كافيهات .. بس الفندق ممتاز واذا معاكم سياره ما اعتقد بيكون سبب المكان لكم لان ابعد شي تقريبا من المنطقه الحره لو قلنا لي فحيحيل تقريبا 30 دقيقه ..
واذا تعتبر مسافه 30 دقيقه بعيده تشوفها نقدر انرشحلك فنادق ثانيه .. انت تقريبا جم ميزانيتك لليله في الفندق ؟؟

السلام عليكم
جرب منطقة السالميه شارع سالم المبارك ( جنب مركز سلطان ) فيه فندق اسمه ( ibis ) سعره 27 دينا وفي ناس تمدحه وتقول رخيص وحلو وهو اهم شارع بالكويت للشباب والبنات وكل الكافيهات وبعض اهم المحلات يمه
او جرب فندق الي بالبدع جنب دوار البدع واسمه ( موفمبك ) اعتقد ليلته 60 دينار وهو قريب من كل شي بالسياره من خمس الى عشر دقايق الى شارع سالم المبارك وعشر دقايق الى مجمع 360
ويمه راح تلقى بعض الكافيهات والمطاعم الي يرتادها اغلب اهل ( وشباب وبنات الكويت )
ةعندك هوليدي ان الي عند تقاطع شارع البلاجات مع شارع الخليج وماهو غالي 4 نجوم وحليو
عموما لازم ليم توصل الكويت تزور الافنيوز ( وهي بمنطقه الري ) و مجمع 360 ونسميه ثري سكستي يعني نقراه بالانجليزي علشان لا تسال احد وين مجمع 360 ويضحك عليه ويقع بمنطقة الزهراء بجنوب السره

مشكورين ماقصرتوا بس انا حاط ميزانيه السكن 2000 ريال لكل المده
ونص ساعه والله مهب سهله يعني انت مسافر وعليمي بالطرق الظاهر النص ساعه تصير 45 دقيقه
انا سمعت انه فيه اثنين هوليدي ان مالقيت الا واحد بالمواقع وطلعلي المجموع 3500ريال بصراحه كثير على 3 ليال

لمعرفةالاماكن السياحية باكويت شوف تقريري ( رحلتي الي الكويت ) فية كل الي تبي تعرفة عن الكويت ان شاء الله يفيدك انت و المدامو حياكم الله بلدكم الثاني الكويت و فندقك ما انصح فيةلبعدة عن اماكن الحيوية شوف غيرة و انصحك بفندق ايبس في السالميةاو شرق هناك اثنان و الله يوفقك

موفنبك المنطقه الحره جيد .. و بالسياره تقريبا لي افنيوز اقل من ربع ساعه و نفس الشي لي 360 حسب الزحمه
0دقيقه هذا اذا بتروح ابعد شي .. فحيحيل مثلا الكوت او المنشر ..
بس المنطقه الحره صارت شوي منطقه نايمه بسبب اغلاق المطاعم و الكافيهات و البنوك اللي فيها ..
شوف فندق ذا بالم .. تقريبا ال3 ليال 2500 ريال
https://www.booking.com/hotel/kw/the-palms-beach-spa.html?aid=1300939
ريجنسي توا مجدد
https://www.booking.com/hotel/kw/the-regency-kuwait.html?aid=1300939
شوف ايضا هذا علي البحر و سعره اقل من 2000 لل3 ليال
https://www.booking.com/hotel/kw/le-meridien-tower-kuwait.html?aid=1300939

ماقصروا اخواني في المعلومات .. وبضيف فندق على اللي ضافتهم اختي الكويتيه واماكنهم في الوسط
1 - ميراج
https://www.booking.com/hotel/kw/mirage-suites.html?aid=1300939

مشكورين اخواني على حسن تعاونكم
لي ملاحظات على الخيارات اللي حطيتوها لي
ميراج حلو لكن الواضح ان اثاثه قديم
ذا بالم حلو لكن انا حاولت اني ابعد عن المنتجعات لان بصراحه الجو مايساعد على البحر في هالحر وبالتالي ماله فايده لسكني في منتجع اذا ماراح استفيد من البحر والشاطئ
ريجنسي حلو وهذا اللي يستهويني بس انه فوق الميزانيه
لي رويال حليو ولو تغاضينا عن الزياده البسيطه اللي حاطه في بالي بس قرات في الملاحظات ان الغرف الستاندر صغيره مره وانا مااحب الكتمه
حبيت اخذ رايكم بفندق هورثون بحولي كيف وضعه؟

ما انصحك بهذا الفندق لوجوده في منطقة حولي والمكان اللي فيه دائما زحمه انا انصحك في ايبس السالميه رخيص وكويس ومكانه اكثر من رائع

صحيح فندق هوثون بحولي وتمتاز هذه المنطقة بالزحمة بس الفندق وايد يمدحونه.