هاي
عندك مطعم تبريز في منطقة جدحفص بجانب جامع جدحفص طبخه عجيب بايدي بحرينيه وكثير من مناطق البحرين ترتاده ويمكن تاخذ الويدام له ويسويه لك وهنه وعافيه

صباح الخير ابولبابه
ممكن وصف دقيق لموقع مطعم تبريز
ويعطيك العافيه

وانا مثلك دخت وما لقيت
بس عندك مطعم ماضينا في الخبر يقدم مجبوس كنعد على الطريقة البحرينية التقليدية ...روعة
وأعتقد الحل الثاني انك تتزوج واحدة بحرينية لأن البحرين مطاعمها هندية أو عربية بأيدي هندية

وانا مثلك دخت وما لقيت
بس عندك مطعم ماضينا في الخبر يقدم مجبوس كنعد على الطريقة البحرينية التقليدية ...روعة
وأعتقد الحل الثاني انك تتزوج واحدة بحرينية لأن البحرين مطاعمها هندية أو عربية بأيدي هندية
ولو تلاحظ نداءاتي الكثيرة عن مطعم في البحرين يقدم الأكلات البحرية الخليجية والى الآن لم ينجح أحد
لدرجة اني مع العلم اني ساكن في البحرين الا اني أشتري سمك من الخبر وآخذه معايا البحرين كل اسبوع وأسخنه في البيت
شفت المفارقة ..
البحرين (جزيرة) ما فيها مطاعم بحرية محلية
مثل ما
البحرين (دولة خليجية) محطات البنزين فيها نادرة

الله يهديك DoRAK أتزوج مرة وحدة والله ونعم من البحرين وأهلها بس أنا ما أصلح حق زواج
ولو بتزوج ماني ماخذ علشان الكبسات أولا مشكور على المشاركة والتعليق الحلو
صعبة أخذ من ماضينا وأسخنه وأصلا المشكلة إني فجأه يصير ترتيب
ولازم يكون مكان قريب مشكور أبولبابه على المعلومه وبجرب المطعم اللي قلت عنه
بس ياليت لو فيه مكان أقرب في المحرق أو المنامه

اوكي
في مكان أقرب وهو مطعم دارين على كورنيش الخبر
وعندك مطعم الديوانية على شارع المعارض بس مجبوس دارين أطعم

بالنسبه لمطعم دارين تراه مش الطعم اللي أدوره ومره ثانيه أقولك أبي البحرين وهذا الديوانيه اللي تقول عنه من يوم شفت الأثيوبيات اللي فيه حطيت رجولي وبعدين في فرق بين المطعم وبين اللي أنا أدوره أنا أدور مطبخ لإعداد ولائم زي كذا المطاعم ماتقبل الشي اللي أنا أبغاه

مطعم تبريز يمدحونه (عن طريق أكثر من شخص بحريني) بس ما جربته .

احسن طريقة اخوي انك تتعلم الطريقة وتاكل اكل نظيف
ومجبوس الهامور والجنعد سهل مايبي له شي