وعليكم السلام والرحمة..
بما انج ماتحبين الريف والمناظر الطبيعية ..
فأقترح عليج زيارة المدن التالية القريبة من جنيف اذا كانت جنيف هي مقر اقامتك..
1- زيوريخ - سويسرا
2- لوزيرن - سويسرا
3- جنيف - سويسرا
4- باريس - قطار تي جي في السريع تقريبا 4 ساعات - فرنسا
5- ميونيخ - المانيا - ولكن المسافة طويلة نوعا ما بالقطار
6- سالزبورغ - النمسا - بعيدة نوعا ما
7- فيينا - النمسا - يعيدة
وبالنسبة للتشيك فلا انصح بتكبد عناء السفر إليها والاكتفاء بالمناطق الاقرب..
مع التحية والسلام..
اخوك الحقيقة والخيال..

أهلين سمرلاند ... إذا تبين نصيحتي 20 يوم حلو تاخذين سويس باس وكل يوم اركبي القطار وروحي مدينة وكل يوم تعرفي على منطقة جديدة .. أنا مثلك ما أحب الهدوء بس من جد جمال سويسرا يخليك تصيرين شاعرة بعد إنتي امسكي الخريطة والكتيب حق رحلات القطار عشان تعرفين مواعيد رحلات كل مدينة ذهاب وإياب .. وبعدين توكلي على الله .. وصدقيني ما رح تندمين .. وإذا على الأسواق بتلاقين في كل مكان محلات .. بس لايفوتك سوق لوزان .. وبالتوفيق يارب

شكرا"
الحقيقة والخيال ام حلو اقتراحك وسيوضع في الاعتبار..
شكرا" على الرد
فروحة
شكلج من ربعي ملوله وتحبين الدوارة والتغيير وعلى فكرة فكرتج رائعة وبتتنفذ ان شاء الله.. وبنشوف هاليورو باس شسالفته وبناخذه..شكرا" عزيزتي..
بس بغيت اسألكم عن فنادق خمس نجوم ..حلوة وفي السنتر والاهم يا اعضاء ويا عضوات انها تكون غرفها واسعة...لان ضيق الغرف يجيب لي اكتئاب:yuk:..ويكون فيها قنوات عربيه..والسعر لحد 1200 الى 1500 ريال مب مشكلة.. واذا في شقق فندقيه في السنتر بعد خير وبركة..لشخصين فقط..
ام
وشنو بعد
شنو
شنو
ئي تذكرت
انا قد شفت فندقين في النت وعجبوني وابي رايكم فيهم وفاسعارهم والاهم في حجم الغرف_ابيها كبار_ والموقع..
وهما
بو ريفاج جنيفا
و
مندرين اورينتال دو رون
و
هوتيل بريستول

حبيبتي دمج تبين لفه
ليش ما تسكنين في جنيف كم يوم وبعدين تطلعين منها علة المدن الثانيه
باريس
جنيف
لوزيرن
زيورخ
ميونخ
سالزبورغ
فيينا او سالزبورغ بعدين ميلانو
واذا كنتي خلاص حازه التذاكر روحه ورجعه جنيف
ممكن تاخذين اللفه اللي تبينها ويوم تنتهين تحجزين على الطيران الاقتصادي وترجعين لنقطة البدايه بأقل التكاليف والجهد... بس اهم اهم اهم نقطه ان اغراضج ما تكون واايد

مشكورة يا الحكومة وفي انتظار بو عزيز وبو يارا وبقية الاعضاء

بالنسبه للبرستول ميه ميه ميه انا توني جاي قبل امس وكنت فيه صراحه غرف ممكن تخش فيها السياره ههه
اعجبني كثير كثير وموقعه اكثر من ممتاز .
بصراحه انصحك فيه وترا بينه وبين البحيرة 50 متر يعني ترحين لها مشي . وبينه وبين محطت القطار تقريبا ربع ساعه مشي او اقل لاني مشيتها وانا حاي من يورب كار الي هناك .

زين الله يبشرك بالخير...خلاص عيل عرفنا وين نسكن
مشكور اخوي عبادي على الرد والافادة جزاك الله خير

سمرلاند
في مثل حالتك
,
انا ما احب الطبيعة احب المدينه وصخبها وضجتها واسواقها
أكيد سويسرا ما تنفع لك
ممكن لو في الصيف أول اسبوعين من أغسطس ...
لكن من 20/10 البلد كلها تروح في سبات عميق والنشاط والصخب الوحيد ممكن يكون في المنتجعات الثلجية للتزحلق وممارسة الرياضات الثلجية
في حال لو رحتي الى جنيف او زيورخ في هذه الفتره راح تجدين جميع أنواع الكئابه
هذا من سابق معرفة وتجربة وواقع أعيشه في فترة الشتاء
حتى انا فكرت لكم في اليورب بارك لكن للأسف تغلق أبوابها يوم 4 نوفمبر
والفترة بين 20/10 الى 4/11 الفنادق في البارك مليانة الا اذا حاولتي السكن في ضواحي مدينة رست
يبقى لديك باريس وديزني واللي أعتقد انها راح تكون مناسبة لكم في هذه الفترة الميتة من الموسم
حيث تعتبر فترة انتقال من الصيف الى موسم الشتاء
أنيسي وشامونيه ومنترو راح تكون هادئة لدرجة غريبة ومعظم المطاعم في انيسي تقفل وتدخل في بيات شتوي الى شهر 5
هذا اللي عندي
والله أعلم

واخيرا" صدناك يا بو عزيز ههه