و الله موضوع السياره مشوار من باريس الى جنيف
بس طريق جدا جميل
اذا بالقطار بتشوف مناظر مو طبيعيه كيف بالسياره
اما الطياره ما جربتها

السلام عليكم ورحمة الله وبركاته
أخي الفاضل أهم شي الفايده
عن تجربتى طبعا السياره متعه بس بالصيف انا قصدى
توقف اى مكان وتصور على كيف كيفك
فى شغله بحكم
الجو حاليا يوجد ثلوج
ومشرفنا الغالي توه واصل من سويسرا
انشاءالله راح يفيدكم شنو الأفضل

هلا بك اخوي
بالقطار 3 ساعات بدون اي تغيير قطارات من قار دي نيون الى قار جنيف على متن TGV (تا جا فا السريع)
بالسيارة 5 ساعات الأسبوع الماضي اخذتها والطريق3 ساعات و45 دقيقة هايواي من باريس الى ديجون
جدا رائع وممتع وتناوبنا على السواقة الى وصلنا ديجون
من بعد ديجون الى ديفون الطريق بعض الشي جبلي لكن مو خطر ابدا واستلمت الدفة
اهم شي تتحرك من الصبح من باريس عندك الى 11 الصبح
حتى لا يحل الظلام عليكم في اخر الرحلة
الطريق من باريس الى ديفون 500 كم ب 4 ساعات و 48 دقيقة
وتوقفين كا كلاهما للكوفي وليس للبنزين
باريس
ديجون
موريز
لي روزيز
سان سيرج
نيون
ديفون
وتوقف ثالث لإلتقاط هذي الصورة من موريز قبل ديفون بساعة

والسيارة راح تكون جدا اوفر لك وبمراحل من الطائرة + السيارة في جنيف
خاصة انك مستلمها في باريس (فرنسا) وراح تسلمها في مطار جنيف (الجزء الفرنسي)
وخاصة اذا كنت من اللي معاه شنط وحقائب كثيرة

السلام عليكم
وايلوموني في حبك يابوعزيز
ماشاءالله تبارك الله
الله ايهنيك ويسعدك مثل ماتسعدنا
دمت لنا الغالي

بما إنك ناوي تستاجر سياره في سويسرا
احجز قطار اسرع و اريح

والله روعه المنتدى هذا بخبرة اعضاءه المتميزين
والله الواحد ما يحتار ,,,, كل شي يوضح
بصراحه انا طالع في شهر سبعه (جولاي)
بس 5 ساعات اخاف العروسه تطق ....
القطار كم سعره التذكره؟؟؟
وايجار السياره ارخص من فرنسا؟؟؟؟؟؟

أهم شي الفايده
اذا انت تبحث عن الأرخص فأكيد الطيران الإقتصادي ارخص واوفر واسرع طريقة واريح
اذا حجزت وشريت التذاكر من الآن و هذه النوعية ليس فيها رجعة لاتغيير او الغاء
القطار نفس تعب السيارة ممكن اقل شوي وسعر التذاكر بحدود 250 يورو للشخصين
السيارة ارخص بالمقارنة اذا استلمتها من باريس وسلمتها في القطاع السويسري في مطار جنيف ب 200 يورو
طالما السيارة تستلم وتسلم في نفس الدولة فالسعر عموما ارخص
لكن بعد ما اتضحت الرؤية انك عريس فالأفضل الطيران سواء اقتصادي بحدود 150 يورو للشخصين و اقل حسب اليوم والوقت من اليوم والأيزي جت مثال واحد لها
او طيران عادي على الفرنسية او السويسرية بحدود 600 يورو للشخصين
مشكلة الكيران هو في المسافرين العرسان اشوف يسحبون شناط كثيرة مالها اي داعي والوزن محدود في الطيران ب 25 كم للشخص او ما شابه ذلك
بالتوفيق

السلام عليكم ورحمة الله وبركاته
الف الف مبروك مقدماً والله يتمملك على خير ان شاء الله .
وبالنسبه لفندق كونكورد لافيت سعره رائع من وين حجزته وايش مواصفات الغرفه (يعني اقصد بتكييف او بدون)
وفندق بريستول كم سعره.
طبعاً عشان ناخذ الفائده(اهم شي الفائدة) وكيف حيكون الطيران من السعودية الى باريس وبعدين جنيف والعودة من فين باريس ولا جنيف.

الطياره حتى لو اقتصاديه بتدفع اضعافها بالوزن والوقت نفس الشي ساعه قبل الاقلاع والروحه والجيه من والى المطار
اكيد القطار احسن وامتع واحلى ولا مسؤليه ولا شي اجلس واستمتع بالمناظر