حياك الله أخ ثامر في ايرفاين ... جاي لغة في uci ؟
فيه كثير اماكن للسكن حولين الجامعة و إذا بتجلس مدة طويلة تقريبا كلهم نفس الأسعار ... ايش المطلوب من ناحية السكن ؟

ياسلام عليك يخوي اخترت افضل مدينة بامريكا حسب نظري وهي مدينه جدا راقية وجميلة وامنة جدا ويعود اسمها الي عائلة غنية كانت تملك المنظقة اسمها ايرفاين وهي تقع بين لوس انجلس وسانديقو وبها افضل الجامعات الامريكيه (UCI) وبها مجمعات راقية وجميله ومطاعم عربيه وخصوصا ايرانية بس مشكلتها انها غالية جدا يعني السكن من 1200 دولار الى 2000 دولار حسب الموقع وقربه للجامعة او البحر بنيوبورت بيتش طبعا فيه تقارير رائعة للاخوان ولاخوات عن كلفورنيا وخصوصا ايرفاين وهذا تقرير مصور عن واحد من افضل المجمهات فيها لمشرفتنا الاخت بنت الصقور ... الله يوفقك ان شاء الله
https://artravelers.com/p/re/91119

هلا وسهله اختي بنت الصقور ... اول شي ابغا اقول كلمة حق عشان ما ابخسك اهنيك واهني المنتدى على نشاطك وعلى سرعة تفاعلك مع المواضيع انا متابع لمواضيعك من زمان جدا بس انقطع المهم ...
ان شالله انا جاي ادرس لغه وماجستير اللغه بتكون في uci .. تقريبا بيكون المده ان شالله سنة وشوية حسب ظروف اللغه .
ابغا اسال ايش الاماكن الي اسكن فيها وتكون امنة اول شي ونظيفه يعني زي مجمع سكني وتكون اسعاره حلوه . هذا الي في بالي الان واشكرك اختي بنت الصقور .
الاخ cadillaca الله يكتبلك الاجر ان شالله ويوفقك ويوفقنا والمسلمين اجمعين ان شالله واشكرك على اهتمامك في الموضوع واذا طرا عليك شي جديد لا بحرمنا منها وشكرا

هلا فيك اخوي ثامر و مشكور على الاطراء ...
بالنسبه للسكن فهو متعدد و مختلف حسب طلبك و رغبتك .. و اعتقد ماراح تحدد مبتغاك لين تشوف بعينك و تقارن بين ميزة كل سكن .. من حيث الأمان فهي أمان وين ما رحت الحمدالله .. و يوجد الكثير من المجمعات السكنية الراقية و المتوسطه حولين الجامعة ... لذلك اقترح عليك ، إذا جيت بالسلامه ان شالله تجلس بفندق مؤقت لمدة كم يوم أو اسبوع بالكثير ، و خلالها مكتب الجامعة راح يعطيك لستة بالمجمعات و تروح تلف على كل واحد و تختار اللي يعجبك ... و لهم اسعار خاصة بما انك طالب في الجامعة ... بس خذلك لفه بالسيارة و انزل قدام السكن الحلو اللي يعجبك و ادخل اسأل .. هذي الطريقة المعتمدة للطلاب

شكرا اختي بنت الصقور .. طيب ممكن تعطيني بعض اسماء الفنادق هناك ..

من أفضل الكومبلكسات للسكن في ارفاين
http://www.rental-living.com/Communities/Brittany/Photo-Gallery/
راقي بمعنى الكلمة
و Gated
و قريب من الهاي واي
و من ال UCI
و عندهم تاون هاوسز (طابقين) و باركن خاص و بصراحة كل شي فيه سبشل
و لو رحت يمكن تحصل أحسن عنه .. بس يبالك تدور شوي
كل التوفيق

شكرا حبيبي وما تقصر

الجامعة عندها كم فندق تتعامل معهم و يعطون خصومات للطلاب ... بشوفلك اللسته ان شالله

شكرا اختي بنت الصقور ... استنى اللسته في اقرب وقت .. الله لا يحرمك الاجر