mazo0on
23-10-2022 - 10:47 pm
سلام عليكم
يالغاليين انا من الرياض وحاب اقضي يومين بالبحرين لاني رايح في مهمة عمل للخبر لمدة يوم
اللي حاب استفسر عنه ان السيارة باسم اخوي فهل يسمحوا لي بدخول البحرين .
تقريبا كم تكلفة اليومين هذي من استئجار غرفة لشخص واحد والذهاب للحديقة المائية والاماكن الترفيهية ؟
ووين الاقي غرفة مناسبة بالجفير ولا المعارض وكم تبعد هالمنطقتين عن جسر البحرين ؟
ومن وين احجر من عند الجسر ولا ادور بنفسي ؟
حياك الله أخونا الكريم ... ونتشرف بك ..
بالنسبة لاستفساراتك ..
اللي حاب استفسر عنه ان السيارة باسم اخوي فهل يسمحوا لي بدخول البحرين .
حسب علمي .. إذا كان عندك تخويل من أخوك على السيارة ... يصير تدخل فيها البحرين ..
تقريبا كم تكلفة اليومين هذي من استئجار غرفة لشخص واحد والذهاب للحديقة المائية والاماكن الترفيهية ؟
يعتمد على الفندق اللي بتسكن فيه ... والمطاعم والتسوق ...
يعني حط في اعتبارك .. 200 دينار كحد أدنى قابل للزيادة ... للسكن والحديقة المائية والمطاعم ..
ووين الاقي غرفة مناسبة بالجفير ولا المعارض وكم تبعد هالمنطقتين عن جسر البحرين ؟
ومن وين احجر من عند الجسر ولا ادور بنفسي ؟
منطقة الجفير للسكن تعتبر أفضل من المعارض كونها أهدأ وأرقى من منطقة شارع المعارض ...
والحجز .. الأفضل بالتأكيد إنك تحجز قبل لا تجي البحرين تحسباً للزحمة أو امتلاء الفنادق في بعض الأحيان ..
ممكن تتفضل بزيارة قسم الفنادق في الدليل السياحي .. وتختار السكن المناسب لك ..
وحياك الله ..