ماشاء الله عليج ياختي للحين تسألي ... أعتقد أكبر معلومات عن النمسا عندج انتي
( اللهم صلي على محمد )
==
أي واحد تقصدي فيهم
The Levante Laudon
أو
The Levante Parliament
الثانيه على ماأعتقد انها شقق فندقيه مش فندق
أذكر قريت هالاسم وعلى حسب اللي كاتب عنه انها شقق راقيه 5 نجوم ومكيفه وقريبه من السنتر
الاثنين يتبعو لنفس الشركه ... لكن الاولى غير مكيفه وهي أقدم من الثانيه
تأكدي من المكتب أي واحد فيهم بالضبط ... واذا عزمتو لاتاخذو الا الثاني عشان التكييف
==
والماريوت أنا جربته وكل شي فيه جميل موقع وفخامه ونظافه
==
وانتو واللي يناسبكم

أبو مانع
الحمد الله وكل معلوماتيه عن النمسا بفضل الله ثم بفضلكم وتقاريركم اللي تعتبر مرشد سياحي ماقصرتو صراحه لكن هذا مايمنع من اننا نحصل عالمزيد من المعلومات المباشره منكم بعد طماعين
تدري اخوي بومانع سألت المكتب وقالي الثانيه وبالفعل طلعت شقق مثل ماقلت ووايد يمدحهن المكتب ويقولي قراب بس قلت مابصدقه لين اتأكد منكم اخافه يقص علينا ونبتلش
الحين انته حيرتني بعد يابومانع اول شي مدحتهن وعقب مدحت الماريوت
وبعد يوم سألت المكتب قال انهن في نفس موقع الماريوت هل هالشي صحيح؟؟؟؟؟؟؟؟؟
وايهمها افضل موقعه ؟؟؟؟؟؟؟؟؟؟؟؟؟؟؟؟؟؟؟؟؟؟ وهذا الاهم
يعني لو وافقنا على هالشقق هل نقدر نروح لكارتنر سترير وسنقر سترير مشي؟؟؟؟؟؟؟؟؟؟؟؟يعني بتكون قريبه على الاسواق والمطاعم؟؟؟؟؟؟؟؟؟؟
ومشكور ياخويه وماقصرت

uae123
أنا مدحتهن بناءا على كلام أحد الاخوان ويقول انهم راقين وقريبين من السنتر
وأنا مدحت الماريوت من واقع تجربه
==
بصراحه الشيخه ماعرف موقعهم عن الماريوت بالضبط .. ان شاء الله حد يعرفهم ويفيدج
==
ونصيحتي لكم دام انتو عائله خذو الشقق أفضل
لأن فيها مطبخ للخفايف وبتاخذو راحتكم أكثر
==
وننتظر تقريرج بعد الرجعه
والله يوفقكم في سيرتكم رجعتكم

أبو مانع
بالفعل الشقق بتكون اريحلنا والله يوفق ان شاء الله وتطلع اوكيه
ومشكور ياخوي وماقصرت
وباذن الله اذا توفقنا ورحنا اول ماارجع بكتب تقرير عن رحلتنا
تحياتي
اختكم
الامارات

تروحون وترجعون بالسلامه ... بس عندي خدمه لو سمحتي .. ابيك تطبعين لي هالتقرير اللي جمعتيه كله وترسلينه لي من جد كل يوم اقراء وكل يوم تزيد المعلومات ولا بعد جمعت شئ وسفري في 11 اغسطس لدبي ومن ثم 12 اغسطس لفينا

نكبة زمانه
وانا مثلك لين الحين ماطبعت اي معلومات ولارتبت فايل المعلومات
بس سيفت التقارير اللي لقيت فيها معلومات دقيقه ومهمه في الديكومنت عشان يوم نأكد الحجوزات اشتغل في طباعة المعلومات المهمه كلها
وبعدني بدور معلومات اكثر واكثر عشان يوم نروح تكون عندي كل المعلومات اللازمه وماانسى شي
والسموحه عالقصوور

ياليت اللي في فيينا الحين يفيدنا اكثر عن الشقق
The Levante Parliament
واللي جربها من قبل يفيدنا بعد
ومشكورين

هلا اخويه اللومي
الماريوت اغلى عن الشقق