السلام عليكم الحمدالله رحت للحفر ورجعت وبحث بالجوجل لأن على ماتردون علي إلا أنا واصله عندكم ؟اكتفيت بسوق المويس ومطعم الجبل الأخضر شفنا بطريجنا و تعشينا فيه وشرينا قهوه وشفنا سوق بو5 ريال شرينا منه، بس بغيتكم تسعادوني لأن شكلنا احتمال عالأسبوع الجاي بنروح مره ثانيه ؟وين سوق رامز؟كل ما نسأل أحد يقولون مانعرفه!!! مع إني لمحت سوق هايبر رامز على ما أعتقد بس مسكر؟ لايكون مسكرينه وفاتحينه بمكان ثاني؟ وشفت بودل الترفيهيه بس ماكان في وقت أودي العيال، بس بغيت سوق كامل أحصل عنده العبي والملابس وكل شي؟ أو مجمع؟ ووين في مطعم حلو ونظيف عائلي في الطبخ السعودي المندي وغيره زوجي انصدم من الجبل الأخضر طلع مشويات
ولأن مافي وقت اضطرينا نتعشى فيه وياليت تفيدوني بكل المعلومات المتعلقه بالترفيه والتسوق في حفر الباطن وشكرا

اهلا اخت عايلتي وانا مثلك والله من اهل الخفجي وافكر ازور الحفر وابحث بعد عن سكن ممتاز واماكن عائلية ممتازة وان شاء الله مايقصرون اهل حفر الباطن ويفيدونك ولكن الوقت الحالي وقت كشتات تلقين العالم اغلب وقتها بالبر

بالنسبة للسكن احدث شقق مفروشة ... سكن فيها صاحبي ويقول خمس نجوم .. هي شقق نيلوفر ومركزهم الرئيسي في الخبر .
وقبل كم شهر فتحوا فرع في حفر الباطن .
بالنسبة لرامز كان فيه سوبر ماركت ... ومحل ثاني مخصص للبضائع المخفضة ... قبل كم شهر قفل السوبر ماركت ودمج السوبرماركت مع محل البضائع المخفضة .
اعتقد حاليا لايستحق الزيارة .
طبعا بالنسبة لشقق نيلوفر قريبة من رامز ومن سبلاش ...
بالنسبة لعبايات ... ماعندي خلفية كاملة ... بس الي اعرفة انه موجود له سوق في مجمع الغيث في السوق القديم
بالنسبة للمندي ... فيه معطم واحد عائلي بس ماادري عندهم مندي ولا لا ... هو مطعم المائدة .. وهو على نفس شارع رامز وسبلاش ونيلوفر .

1. فيه منطقة تسوق غير منطقة السوق القديم اللي هي العقارية

هلا فيكم اختي
بالنسبة للترفية للاسف لا يوجد غير بودل اللي مرتوا فيها بس ماعمري دخلتها ولكن ممكن تمشي الحال بس الحين برد يعني اذا بتروحي يكون العصر افضل
الاسواق والعبي والملابس موجوده في وسط البلد او منطقة الهوليدي او السوق القديم (كل واحد وتسميته) .....
الوصف ... باين من معرفك انك من الكويت فإذا جاية من الكويت وانتي منتجة للحفر تستمروا على طول حتى الاشارة الثالثه تلفوا يمين بعدين تلاقوا اول اشارة تقابلكم تلفوا يمين بعدين الخط اجباري يمين وقفوا في اي مكان وكل المنطقة هذي اسواق
بالنسبة للعبي مثل ماقال اخوي في سوق الغيث في نفس المنطقة ونفس الوصف لكن ما اتوقع انك بتلاقي شي افضل من الكويت ... عن ترجبة
المطعم اللي فيه مندي ويكون عايلي واكله جيد نوعا ما ... اللي هو مطعم الكاتم
وصفة ... الاشارة الثالثه اللي وانتم جايين من الكويت تروحوا يسار وتمشوا شوي راح تلاقوا المطعم على يدكم اليسار

فيه منطقة تسوق غير منطقة السوق القديم اللي هي العقارية

الوصف ... نفس الاشارة الثالثة روحوا يسار راح تقابلكم اشارة مزدوجة يعني الخط يفرق معاكم باتجاهين انتم روحوا يسار واستمروا على طول تلاقوا الوطنية سنتر على يدكم اليسار (على فكرة ممكن تمروا عليه فيه كم محل) وشرطة الحفر على يدكم اليمين تسمروا على طول حتى تلاقوا مستشفى الدكتور نور خان تعدوه ومع التقاطع ادخلوا يمين واستمروا شوي راح تلاقوا على يدكم اليسار (العقارية - وسارة مول - وفل فري)
وكمان المنطقة هذي قريب منها رامز ارجعوا للتقاطع اللي دخلتوا منه يمين واتجهوا يمين وامشوا حتى الاشارة راح يكون على يديكم اليمين مصرف الراجحي ادخلوا من الاشارة يمين وعلى طول حتى تلاقوا تقاطع خذوا معاه يوتيرن بتلاقوا بيبي شوب وسبلاش وبعدهم بشوي بتلاقوا رامز
والمنقطه هذي فيه اكثر من شقة وعموما الشقق كثير في الحفر ... لكن ما اعرف مستواها
ان شاء الله يكون وصفي واضح
واذا في استفسار ان شاء الله نقدر نفيدكم
وحياكم الله

جزاكم الله خير وبالنسبة للسكن الحمدالله توفقنا بشقق جديده مره إحنا فتحناه على إيدنا كان جديد حتى الفرش وسخان الماء بالحمام عزكم الله يعن كل شي جديد في جديد حتى ريحة الصبغ كانت للحينها موجودة هذا يدل على إن الفندق جديد ماني ذاكره الاسم بي اللي أعرفه العماره مقابل السيف ومانغو إحنا قعدنا فيه بعيد الفطر 2009 وسلامتكم.

آآناا بقوولك الاآآسسواق الموجودة بششكل عآم
مجمع الغيث والخربوش >> تلاقيين فيه تحت سرداب كلوو محلات عبآآيات عدي وخربطي
العقارية بجنب مستشفى الملك خالد
الفاو عند الهوليدي ان
سارة مول
الوطنية سنتر " كله ماركات "
مجمع العبد الكريم جنب الغيث والخربوش
اسواق سارة تقاابل مجمع الفاو
اسواق العبد الكريم تراهم ارخص واحلا من المويس وفيهم نفس اللي بالمويس خاصة مركز نجوم الحفر

ملامح أمريكية ~
مشكوره اختي ما قصرتي كفيتي ووفيتي