بلو بن ابي توث
09-12-2022 - 01:57 pm
السلام عليكم ورحمة الله وبركاته
صبحكم ومساكم الله بالخير, كلن بوقته
المهم
قالوا وش جابرك على المر قلت : الامر منه
ادرى بطريقي صعب واتعثر بخطواتي ,,, لكن عنادى اشد خلى الثمن حياتي
رايق
المهم اخواني اخواتي
انا الحين ضايع ومدري وش السالفه
انا متخرج من كلية الجبيل الصناعية بدرجه دبلوم عالي ( 3 سنين ونص )
وشفت الوضع مايصلح هالوقت لحمله الدبلوم من ناحيه التوظيف
فقلت ياولد مالها الا تكمل وتاخذ البكالوريس
استخرت وقررت قرار نهائي اني اكمل على حسابي
كان الاختيار الاول
كندا
بس قريت بمنتدى الاخوان شلة كندا ان معادله ساعات الدبلوم صعبه جدا ان لم تكن مستحيلة
وتواصلت مع كم واحد وكلهم نفس الكلام
وقريت عن تجارب الاخوان وكلها بنظري باءت بالفشل الذريع
فذلك قررت احول الى الاختيار الثاني الا وهو
امريكا
وقريت وقريت وقريت ولقيت وسألت وتواصلت مع ناس عملوا مقابله بالسفاره الامريكية وطلعت المشكله بالفيزا
يعني في ناس لهم شهرين وناس 3 شهور ولا يعرفون تفاصيل الفيزا هل هي طلعت والا لا
فغيرت رايي الى الخيار الاخير واللي هو
استراليا
السؤال يا اخوان الحين هل تعرفون مكتب او شخص يقدر يعادل الساعات في استراليا
او هل سمعتم بأحد متخرج من كليتنا الموقره والمحترمه عادلوا له ساعاته
او هل هم يعادلون الساعات مثل امريكا , لان امريكا المعادله عندهم سهله
اتمني اذا احد يعرف اي معلومه توصلني لشاطئ الامان يفيدنا
وانا سمعت خبر يزعل
س/ هل تم ايقاف الحاق الطلاب الدراسين على حسابهم الخاص في استراليا لبعثات الدولة؟؟
ياليت احد يفيدني
في الختام لايسعني الا ان اقول كان الله في عونكم وسدد الله خطاكم وحماكم من كل مكروه
والله يوفقكم وحنا الله يوفقنا
اعذروني على الاطاله والشطحات الغريبه بموضوعي
استناكم
الدراسة في استراليا
