اخواني انا مسافره يوم الاثنين للبنان ان شاء الله بس بغيت منكم خدمه بسيطه ..
تروحين وترجعين بسلامه
انا حجزت في فندق اسمه le duroy hotel اللي يعرف عنه شي يقولي حلو اولا ..ومن حيث النظافه كيف ؟؟
الصراحه ماعرف عنه ماجربته ولا اقدر اقول شي عنه ان شاء الله الاخوان يفيدونج
1- ابي رقم سايق سياره خاصه يقعد معي لمده 8 ايام وسعره ييكون اوكي ..
قوانين المنتدى تمنع وضع الارقام بقولج افضل شركتين في تاجير السيارات وافضل الاسعار انتي دخلي على موقع
واخذي الرقم ودقي عليهم اسعار السيارات تبداء معا سايق مثل نسيان صني او تيدا من 70 او 80 دولار
هما شركه نادر وشركه بوس لتاجير السيارات معا انة ارشح الشركه الاخيره من ناحيه الاسعار الله الله في المكاسر
2- ابي اماكن سهر عائليه وحلوه يعني ,,
برشح كم مكان اوتار _ كروب وي مطعم_ بابل وانتو فيا لصيف عندكم بوحمدون وعاليه في مطاعم وسهرات حلوه
3- بالنسبه اذا ابي كرت لبناني(شريحه جوال) وشتنصحوني فيه ,, وكم اسعارها
شركه الفا ALFA واخذيها من السوليدر من محلات كلاس سعرها 35دولار وفيها كرت 20 دولار
واذا تبين حق البلاك بيري والاي فون تشغلين الخدمه لمده شهر 50دولار
( انا اكلمج الرقم كنت ماخذه بهذا السعر قبل سنه ونص )
4- وايش الاماكن اللي تنصحوني ازورها وتستحق الزياره
جونيه _ جبيل _ التلفريك _ مغاره جعيتا _نبع الصفا _ بوحمدون _ عاليه _ متحف الشمع _ قلعه موسى _ متحف الصابون _ السولدير الداون تاون_ مقهى ومطعم الفلمنكي
5-واماكن الاسواق الحلوه .. واسماءها ارجوكم
سوق الكلسيك _ ABC مول _ ستي مول _ الحبتور مول _ سوق السولدير
واخير انا قلت الاماكن الي تحضرني الان ويمكن الاخوان يفيدونكم مابقصرون معاكم
واسف على الشرح المختصر
..

يعطيك الف عافية اخي بومروان كفيت ووفيت بالنسبة للأماكن اختي في مواضيع مثبتة فيا برامج سياحية

سفر سعيد وان شاءالله يعجبك الاوتيل،،،، موقعه على الروشه قريب من الصخره ومطل على البحر جهة فندق السفير ومنه تقدرون تطلعون الكورنيش او شارع الحمراء بدون سياره اذا الجو معتدل.
التسوق عندك المجعات التجاريه ال بي سي الاشرفقه واخر في ظبيه وكذلك ستي ستار وفيه محلات على بعض الشوارع وكذك منطقة الكسليك واعملوا زياره لسوق البربور(شعبي)
المطاعم كثير (جولياس ايطالي في الاشرفيه وكذك الانتركوت والمياس مطعم ارمني ومطعم البلد في السولدير وبالجبل مطعم منير ومطعم بابل طريق ظبيه.
السيارت صراحه بالنسبه لي مكتب ليو كار اسعاره مناسبه ويستقبلكم في المطار وكذك التوصيل وعنده مجموعة سواقين ترتيب وحتى شريحة الجوال تطلبينها منه ويجيبها مع السياره للمطار او الفندق واتوقع لهم موقع الكتروني ورقمهم عندي بس القوانين ماتسمح
تحياتي

مشكورين ويعطيكم العافيه اخواني وماقصرتوا بصراحه كفيتوا ووفيتوا ...

الاخوان ماقصروا....
بس حبيت أضيف بمنطقة جونية هناك مطعمين قمة بالاطلالة عالبحر مباشرة وأكل روعة هما
مطعم الجزيرة...ومطعم مخلوف جونية....
و ب برمانا هناك مطعم الجنة ببيت مري كذلك خيال المنظر والأجواء بالذات للغداء. لا يفوتك ...

بالعكس اختي الارض مسرحي مطعم الجنة اللي برمانا من اسوأ المطاعم اللي اكلت عندها فاضي والاكل الله يزيد النعمة دفعنا الحساب من غير ماناكل شي اللي بحمدون احسن منه بمليون مرة مع احترامي لاختيارج رغم ان الكل حذرنا منه بس ركبنا راسنا ورحنا له ,وبالنهاية الناس اذواق.

أحترم رأيك وتجربتك أختي أصول لأن هالسنة المطعم مافتح الا تقريبا بأول شهر 6 ميلادي لأن كان فيه تصليحات وبناء قصر سكني فوقه
لصاحب المطعم ....
ومع ذلك تغدينا فيه بالجلسة اللي برا وكان أكلهم والجلسة حلوة جدا ....
وقبل 3 أسابيع كانت فيه صديقتي وزوجها وانبسطوا بعد
يمكن أنتي جريتيهم قبل هالتاريخ .....
ومع ذلك سأجرب بالمرات القادمة جنة بحمدون على رأيك ومشكورة يا الغالية ....

أحترم رأيك وتجربتك أختي أصول لأن هالسنة المطعم مافتح الا تقريبا بأول شهر 6 ميلادي لأن كان فيه تصليحات وبناء قصر سكني فوقه
لصاحب المطعم ....
ومع ذلك تغدينا فيه بالجلسة اللي برا وكان أكلهم والجلسة حلوة جدا ....
وقبل 3 أسابيع كانت فيه صديقتي وزوجها وانبسطوا بعد
يمكن أنتي جريتيهم قبل هالتاريخ .....
ومع ذلك سأجرب بالمرات القادمة جنة بحمدون على رأيك ومشكورة يا الغالية ....[/quote
حبيبتي والله انتي فديتج الاسبوع اللي طاف رحتله والانطباع مثل ماقلت لج واخذت لي زفة من ريلي محترمة لاني عاندته اللي اروح له رغم التحذيرات منه وصار اللي صار ,وعليج بالف عافية انتي وصديقتج.