الأخ رحال قطر حياك الله في بلدك واتمنى ان تكون قضيت اوقات ممتعه معانا بالكويت وان شاء الله نالت اعجباكم واحنا بانتظار بعض التفاصيل عن وسيلة النقل هل عن طريق البر او الطائرة وعن اماكن الزيارة والمطاعم وما رايك في البلد يعني انطباعاتك

رحال
مرحبا أخوي / رحال
ويامرحبا بك في موضوعي المتواضع
وبالنسبة للكويت الصراحة هذي ثاني رحلة لي للكويت
فقد سبق هذه الرحلة رحلة لم تتعدى السويعات عندما
كنا في منطقة النعيرية بالمملكة العربية السعودية
ظروف هذه الرحلة كانت زيارة واحد من الربع
والصراحة بهرت بتنظيم المدينة وجمالها
ولو أن الجو كان حار جداً جداً
إلا أن جل الأمور كانت رائعة
الشعب ودود والاجواء رائعة والمدينة تسحرك بجمالها
"" وسيلة النقل ""
بخصوص وسيلة النقل كانت عن طريق الطائرة
وبالتحديد الخطوط الجوية القطرية
"" الأماكن الي زرتها ""
والله بالنسبة للاماكن الي زرتها قليلة جداً مثل
المركز العلمي الكويتي وسوق المباركية والابراج
والسبب طبعاً أن ماكان عندي فرصة سوى يومين
وأضف إلى ذلك أني تعنيت لمنطقة الزهراء على ماأعتقد
للصلاة في المسجد الي يخطب فيه الشيخ نبيل العوضي
وكان ذلك بالتحديد في صلاة الجمعة ولكن الي تفاجأة فيه
أن الشيخ نبيل العوضي كان مسافر فخطب بنا شيخ مصري
"" المطاعم ""
بالنسبة للمطاعم جربت كل من :
( ميس الغانم // مغل محل // فريج صويلح )
أولاً : ميس الغانم
الصراحة على كثر المدح ماشوف فيه زود
ثانياً : مغل محل
لاباس معقول ولكن ماكان على قدر الطموح
ثالثاً : فريج صويلح
تفجير ولن انسى مطبق الزبيدي عقب ماتخلص تجيك شطه من لذته
وبخصوص ...... أحم أحم
دجاج نايف الصراحة ادمان شيء عجيب غريب كنت كل يوم اتعشى فيه تقريباً
وفي النهاية تقبل ارق تحياتي أخوي الغالي / رحال

هلا اخوي رحال قطر حياك الله
وصور رائعه وتقرير تستاهل الشكر عليه ماقصرت

صور روعه
يعطيك العافيه أخوي رحال

يعطيك العافيه اخوي Ra7al-qatar علا تقريرك الحلو والاكثر من رائع وحياك الله بديرتك الثانيه لكويت ومشكور وماقصرت وبارك الله فيك

يعطيك العافية أخوي رحال قطر وحياك الله بديرتك الثانية
وأشكرك على تقريرك المميز وصورك الرائعه
وتحياتي لك

حياك الله في بلدك الثاني الكويت

يسلام عليك
اختيار موفق والى الامام

حياك الله اخوي رحال قطر ببلدك الثاني الكويت
ومشكور على الصور الاكثر من رائعة وان شاء الله ما تكون هذي زياتك الاخيرة للكويت