آسف تقبلوا لاني توني ادخل اول موضوع و جات الصور يسار و
لكن ابشروا بالعوض
في موضوع في بوابة الرياض
أأكد انه بيكون الأفضل
لكن بعدين ,,,
Torwa

torwa
امانة الخبر كذبت كذبة و صدقتها
قال ايش ثاني اجمل مدينة عربية انا كنت كل ما امر من اللوحة اوقف اضحك و ساعة ابكي على حالنا بالسعودية الناس تقرطسنا و احنا نصدق و نهز راسنا مثل
فين راحت تونس , فين راحت ابو ظبي و دبي و المنامة و قطر كلهم فيهم مجمعات اكثر مباني اضخم و ابراج افخم و مطاعم انظف و شوارع احلى
بلاش لو جينا اخذنا حي واحد راقي من مدينة ضخمة مثل القاهرة او جدة او الرياض بخدماتهم لغطو الخبر بكبرها
كيف صارت ثاني اجمل مدينة و في تقييم مين و كم دفعت امانة الخبر للمقييمين و الا عزمتهم في السنبوك و دفت شيك من تحت الطاولة عشان هذا التبجح

حياة_التميز
مؤيدك بالرأي ، وإلى متى هذا التطبيل وهذا الحال ..
لو أن الشركات المتواجده في المنطقة الشرقية ، موجودة في اي دولة بالعالم مو بس مدينة أو منطقة معينة ، لشاهدت هذه الدولة لا يخفي معالمها جاهل من اضافتها وقوتها الإقتصادية لهذا البلد ..
ولكن للأسف هذه الشركات مكبلة الأيدي ، وتقوم على اساس اقطع لي واقطع لك ، والله يعين الى ان يتحسن الحال ..

حياة_التميز
اشفيكم اخواني اكلتو الرجال بقشوره!!!..عذراً على التشبيه.
فمدينة الخبر بالفعل مدينة هادئة وادعه فيها من الجماليات الشيئ الكثير..لانراه بأعيننا بل الزائر هو من يراها..اما نحن اعتدنا المرور على الكورنيش دون اثارة..الشواطئ..الشوارع..فبقيت كما هي قبل مئة سنة دون تغير في نظرنا..بينما من يغيب ويعود يجدها قد ازدانت وتجملت باحلى الحلي...مستخسرين تكون جميلة ولو مرة في اعيننا..

1. هلا بك أختي

**نونا**

هلا بك أختي

ما أكلنا الرجال ولا شي بالعكس يشكر على هالموضوع ، بس الى متى هالتطبيل (الخبر ثاني اجمل مدينة عربية) ، ووين التحسينات والأشياء اللي تخلينا نفتخر بأنجازات مدينة الخبر او المنطقة الشرقية
بس سوو لنا الواجهة البحريه وهي تفتقد لأدنى مقومات النجاح أمثال ألعاب الأطفال والكبار بغض النظر عن هالمراجيح اليدويه ، واكرمكم الله دورات المياة السيئة ، والأماكن المغلقه على نفس الواجهة امثال المقاهي والمطاعم غير عن اللي موجود حالياً وأكل عليها الدهر وشرب..
شاطيء نصف القمر وش فيه من زود ، شاليهاته من اسوء الشاليهات بأسثناء شاليهات النخيل والهوليدي أن ، الباقي صفر على الشمال ، وشاليهات جداً اسوء من السيئه ، ولا يوجد ايضاً مطاعم أو منتزهات أو مطاعم بداخل البحر على الأقل يسوون اشياء حلوه ، جلسات فوق البحر على اشكال اكواخ أو جلسات خشبية أو مقاهي أو ....... ألخ ، نجي لدورات المياة اعزكم الله ولن اتكلم في هذا الموضوع لأنكم اعلم فيها ، نجي للراحه والأستجمام هل لها وجود طبعاً لا ولا يوجد اهتمام ، قسم العائلات صار بأكمله عزاب واختلاط الحابل بالنابل ، وين الحراسات والأهتمام بهذا الأمر .

• اعطيني كم خيار للأماكن الترفيهه للأطفال والكبار ، لن تجيديها الا في المجمعات التجاريه فقط ، والا الآخرى أمثال : قرية العزيزية كل اسبوع وواحد طايح منها ومصاب بأصابات خطيرة والحكير بالدمام وهي افضل السيئين
• الطرق والشوارع الرئيسية والداخليه ، معقده ومن يشتري سياره بعدها بشهر ترقل عليه

هذا كله نقطه من طرف بحر
نتمنى فعلاً الأرتقاء بكل معنى الكلمه بدايةً من البلديات و رجال الأعمال والمواطنين
وآسف على الإطاله ،
وانا والله العظيم من مواليد المنطقة الشرقية وأن طلعت منها اتمنى العوده لها بأسرع وقت ما اقدر عن البعد عنها .. لكن غيرتنا ما خلتنا نسكت والله موب عادتي اتكلم عنها ، لكن طفح الكيل ..
والله يكتب لنا ولكم اللي فيه الخير ، واملنا بالله كبير ..

تستاهل الخبر بس يبيلهاا اهتمام اكثر

كنت باكتب شيئ لكن شفت الشباب ماقصروا
مشكور torwa لا تشيل في خاطرك لان النقد غير موجه لك
( ام الخليج) !!!

مشكور اخوي على الصور
الخبر في راي افضل مدينه السعوديه بس للاسف ما اهتموا فيها ولا تعتبر مدينه جذب سياحي