انا راجعت من مصر م أسبوع و نصف و سكنت ليلة وحدة في شيراتون القريب من المطار ما أعرف اذا كان هو نفسه شيراتون القاهرة الأن على حد علمي في اثنين شيراتون بس أذا كان شيراتون المطار أي هو قريب من المطار فالله يعينك الفندق نظيف و راقي و بس لا يصلح ابداً العوائل ففيه الكثير من الأجانب و الشيرلتون فيه كزينو و الأسف راقصة شرقيه في ردهة المطاعم يعني و انت نازال و عائلتك تتعشون ممكن تشفوها ربنا يحفظنا و اذا كانت غرفتك مطله على المسبح و في الطابق ألرضي ستري الويل و السبب أن الموسيقا تصدح و تنعق طوال الليل على المسبح و لن يغمض لك جفن أنا نمت ليله وحدة و ما أستطعت أتحمل وحمدة الله أنني ما سكنت فيه أكثير من ذلك و كان اليوم الثاني سفر على الأمارات و نحن ما قدرنا النام بسبب الموسيقا و أتمي أن لا أكون خوفتك بس التجربه خير برهان و أن شاء الله نفعتك

يوجد في القاهرة اربع فنادق شيراتون الفندق اللي سكن فيه اخونا بلو سكاي اسمه شيراتون هليوبليس شيراتون القاهره يعتبر اقدم شيراتون في القاهرة قريب من النيل مجدد حديثا خلال اخر سنتين فندق خمس نجوم فيه كل شي مرقص كازينو سمعته مو شي بسبب مدير الفندق الامريكي كان مدير شيراتون في المغرب والاخ ماهو مقصر مافي مغربيه في مصر ماتمر فيه ولهم تسهيلات خاصة
بالتوفيق

ما بعد كلام الاخ دريد كلام ...فعلا لا يصلح للعوائل ...غالبية من يسكنه شباب

شوف ياخوي انا سكنت فيه انا والعائلة 9 ايام وراجع منه قبل اقل من شهر
الفندق على النيل يفصله فقط الشارع
لم اجد فيه اية مضايقات اوازعاج .
مستوى الخدمة ممتاز يعني لما تطلب طلب معين من خدمة الغرف يتصلون بعدها مباشرة
علشان يشوفون هل وصل الطلب اواذا كنت تبي شيء اخر.
الفندق عبارة عن برجين وفيه بينهم اتصال اللي هو اللوبي لكنه مش ارضي موجود في الدور الاول
يعني لما تدخل من البرج اللي جهة الدوار وانت ساكن في البرج الثاني لازم تطلع المصعد دور بعدين تمر على اللوبي وتتجه لمصاعد البرج الثاني لكن بامكانك ان تتجه مباشرة بالسيارة للمدخل اللي في الجهة الثانية .
بالنسبة للمرقص اللي يذكرونه الاخوان لم اتضايق منه في شيء يمكن لاني اطلع بدري وارجع متاخر
فيه صالة بالدور الاول تقام فيها الافراح لكنها بالنسبة لي كانت فرجة لاني كل يوم اطل عليها وكان فيها يوم من الايام المنسم شعبولا
البوابة جهة النيل دائما مزحومة عند الخروج والدخول لضيق المكان
الاثاث جيد , المصعد كان في ذلك الوقت يتاخر يمكن عشان مزحوم , اللوبي هاديء ولافية خرابيط مراهقين
والاشكال محترمة.
السفتي بوكس ليس في الغرفة ولكن في الاستقبال يوجد فيه ثلاث بنوك والظاهر فرع لشركة اتصالات وصيدلية ومكتبة ومكتب للخطوط المصرية على مااظن
العيب الشرعي اللي انا شفته وهو اهم حاجة ان باب البلكونة الزجاجي لايمنع الاصوات الخارجية بشكل كامل يعني كنت اسمع اصوات السيارات وانا بالدور الثامن وهذي يمكن تحلها بانك تسكن في اعلى الادوار
ما صار سؤال شكلي غثيتك بالهذرة الزايدة لكن "انت بديت وانتا تحمل"

الفندق ممتاز ولاتوجد به مضايقات لاكن أحرص على ان تأخذ الغرفه في برج نفرتيتي هو الجزء المحدث وجديد بالفندق وأخذ الغرفه مقابل النيل.

رح لشيرتون الجزيرة موقعه حلو وينفع للعوئل اللوبي حقه هدوء مهوب مثل الهيلتون رمسيس والمارييوت..
سلام

اخوي Rasiug3ni
الظاهر اني في نفس الفندق توني راجع من مكتب السياحة في الرياض
كنت ابي فندق النبيلة 250 ريال
ولكن لم يجد حجز خلال بداية سفري وهي 6/9/2004
و عرض علي فندق شيراتون القاهرة بمبلغ 450 بعد الخصيم وبدون فطور
فقولي اخوي انت كم حصلته في العرض اللي معاك علما ان الغرفة مفرد فقط
انتظر الليله لازم ترد و ارجو من الاعضاء ا بداء الراي

اخوي ناصر المسافر
بالنسبة لي انا اخذته ب400ريال بدون افطار
وكان هذا العرض عن طريق الخصم اللي يقدم لارامكو وبعض الشركات
المشاركة معاهاوكل ماعليك هو ان تحجز اذا كنت تعمل في احدى هذه الشركات
وعند ذهابك اليهم تبرز بطاقة العمل ويعطيك الخصم وترى السعر اللي قلتلك
كان في شهر اغسطس يعني المفروض هالحين يكون ارخص وبالنسبة للشركات
تراي ما اعرفهم بالضبط.
اتمنى اني اكون لحقت عليك وافدتك.

اخوي Rasiug3ni
لايفوتك والله الديره من دون الشيراتون ماتسوى
حلاوت القاهره في اللبي حق الشيراتون
اتمنى لك الوناسه حبيبي....................