ام سهول
27-01-2022 - 05:51 pm
السلام عليكم اخواني الاعزاء ...............
اخواني انا عندي موعدفي مستشفى غريت اورموند ......وبغيت اسكن في شقه
شو تنصحوني اسكن في السنتر ولا بيكون غالي وايد .....وياليت ادلوني على شقق نظيفه
وقريبه من المستشفى .....لااني بسافر بعد 10 ايام وبيكون برد وعندي ولدين 6 شهور و 2 سنتين
والتنقل صعب في هذا الجو البارد ................وبغيت اعرف شو الاماكن المناسبه نقضي فيها وقتنا
وقريب من المكان ................وشاكره لكم جميع.... واسمحولي............
هلا وغلا ام سهول
وحياكم الله بين اخوانكم وخواتكم وان شاءالله اتفيدون وتستفيدون
وماأتشوفون شر ان شاءالله واجر وعافيه ..
والله ايبارك لكم في الصغار واتقر عيونكم فيهم ..
بالنسبه للمستشفى مكانه قريب واجد من السنتر وهذي صوره توضيحيه ..
إذا كان عندكم موعد يومي مثل علاج طبيعي او غيره فالأفضل تسكنون قريب من المستشفى ..
أما إذا كان العلاج مره او مرتين في الإسبوع الأفضل تسكنون قريب من ادجول رود لأن المكان حيوي هناك فليل والواحد يقدر يطلع ويتمشى ويتعشى في هالشارع ..
بالنسبه للشقق راح اتلاقين الأرقام عند الإداره وتقدرين تطلبينها منهم ومن ضمن الأرقام وحده اسمها مريم ..
واي خدمه احنا في الخدمه