Lilith
02-05-2022 - 09:40 am
السلام عليكم
عندي شوية استفسارات بخصوص امريكا
في احتمال أن اسافر سان فرانسسكو ولوس انجلوس ولاس فيغاس في شهر أغسطس
تنصحوني ان اتنقل بين الثلاث اماكن عن طريق سيارة أو طيارة ؟ لأن في مكتب سفريات خبروني ان عادي يصير بالسيارة ومكتب سفريات ثاني خبروني ان احسن يحجزون لنا تذاكر طيارة.
احنا نفكر نظل هناك 3 اسابيع..اسبوع في سان فرانسسكو واسبوع في لوس انجلوس واسبوع في لاس فيغاس..تعتقدون المدة مناسبة؟ او نطولها في مكان ونقصرها في مكان ثاني؟
تنصحوني ان اشتري التذاكر من البحرين وبعدين هناك ندور فنادق ولا نحجز فنادقنا من مكتب سفريات في البحرين قبل لا نروح؟
مشكورين
الطريق بين سان فرانسيسكو ولوس أنجلوس تقريبا من 7 الى 8 ساعات وعلى المحيط وكل فتره فيه استراحه ومطاعم ومنتزهات
الطريق بين لوس أنجلوس ولاس فيقاس بين 3 الى 4 ساعات ونفس الشي مره حلو
بالنسبه للمده لاس فيقاس كفايه عليها 3 أيام
سان فرانسيسكو 4 أيام وبزياده
لوس أنجلوس أقل شي أسبوعين لانها كبيره وفيها أماكن كثيره
تقدر تزور سانديقو يومين لانها ساعه من لوس أنجلوس ومره حلوه
وبالتوفيق ان شاء الله
وسفره ممتعه باذن الله