شوارع ومناطق وميادين حيويه في لندن
خلوني الحين أخبركم عن بعض الشوارع المهمه في لندن
وهاي المعلومات أجتهدت في جمعها من معلوماتي ومن النت ومن بعض المنتديات
وكل مره بعطيكم معلومات يديده
فجزاهم الله الف خير كل اللي استفدت منهم
وفي ميزان حسناتكم ان شاءالله
ولاتزعلون مني اذا ماذكرت أسماء لأني أول شي ما أتذكر الكل
وثاني شي تقريبا في كل معلومه فيها اضافه مني ولامن النت
1- شارع كرومويل
The Cromwell
يتفرع منه شارع اسمه جلوستر رود ستيشن جلوستر
فيه مطاعم عربيه وهنديه وغيره من هالمطاعم مطعم فلفله وناندوز
وواحد من الأخوان وصف هالشارع في ردمن الردود ، شوفوا شو قال عنه
سميه بسكن الاماراتيين لانهم كانوا يسكنون هناك اكثر من اي مكان ثاني
والشيخ زايد الله يرحمه
يوم كان في مستشفى كرومويل كان مستأجر تقريباً العمارة كاملة حق ربعه
وفي هالمنطقة اكثر من فندق مثل
جلوستر هوتيل وهوليدي ان واكثر من فندق صغار وفيه فندق رهيب
واسعاره نوعاً ما مناسبة
يتراوح مابين 100 باوند الى 150 وموقعه على قولة اخوي القطري
تخيل نفسك تمشي في شارع كرومويل
والمستشفى يمينك تعدي المستشفى قبل راح تلاقي الفندق على يمينك
واسعار الفنادق هناك مابين 95 الى 150
واسعار الشقق تتراوح مابين 400 الى 800 على حسب النظافة وعدد الغرف
والشارع مب شارع تجاري سكني اكثر من اي شي ثاني
ومشكلته انه امتداد من جهه الى شارع
M4
يعني اي حد جاي من برع لندن على هالشارع لازم يمر على كروميل
ومن جهه اخرى هو امتداد لشارع النايتس بريدج اللي فيه هارودز وهارفي نيكلز