1. السلام عليكم ورحمة الله وبركاته


2. تحيه طيبه مني لأعضاء المنتدى المحترمين .....


3. ندخل بالموضوع


4. 3- لازم تشغل الاشاره في حاله الانعطاف أو الدوران


5. اليوم الأول


6. اليوم الثاني


7. اليوم الثالث

السلام عليكم ورحمة الله وبركاته

تحيه طيبه مني لأعضاء المنتدى المحترمين .....

أحب إني أسرد تفاصيل رحلتي الأخيرة للمغرب وهي كانت في تاريخ 24/3/2010 حتى 23/4/21010 بختصار كانت مدة سفرتي شهر بالضبط وآنا صارلي 8 ايام من جيت من بلد الطبيعه والجمال وطبعا بلا شك راجعين في الطياره وامشغلين اغنيه أم كلثوم ولا واحد فينا له خلق ينطق بكلمه من الكآبه بسبب رجوعنا من المغرب الغالي....
طبعا أحنا كنا أثنين في بداية السفرة بالنسبه لي فأنا أمتلك شقة تمليك في منطقه السلام في أكادير يعني بختصار عاجن هاذي البلد عدل ولكن صاحبي هذي السفره كانت الاولى له للمغرب وطبعا أهو الحين يدعي علي لأني خليته يشوف هذا البلد الرائع بمعنى الكلمه ...
مابي اطول عليكم آنا حاليا أمتلك صور كثير لتفاصيل رحلتي ولكن أبي موقع أحمل منه الصور لهذا المنتدى الاكثر من رائع واسمحولي لأن في تقريري هذا ماراح يكون فيه صور لحد ما أحل مشكلتي
ملاحظه : هذي أول مشاركه لي
وهدفي الرئيسي من المشاركه هو الأفاده للجميع

ندخل بالموضوع

السفره هذي كانت مقسمه قسمين مابين مراكش لمدة اسبوع وأغادير اسبوعين ثم مراكش الاسبوع الأخير نبدأ من لحظه هبوط الطائرة في كازا بلانكا مطار محمد الخامس العامر إن شاء الله
وبعد الانتهاء من أجراءات الجوازات وكانت الإجراءات جدا مرنه بسبب شرطيه خلوقه جدا وابتسامتها المشرقه انهت لنا الموضوع ثم نزلنا للدور الارضي لأخذ الشنط المحمله بعده كامله ومجهزه من ( شموع وملطفات جو وبخور وهدايا وغيرها ....
ذهبنا مباشره إلى مكاتب الصرافه فقد كان الصرف ال 1000 درهم = 38.300 دينار كويتي ومن ثم توجهنا مباشرة إلى مكاتب تأجير السيارات حيث هناك مكتب دائما اتعامل معه فأخذنا سيارة فيات موديل 2009 ب 350 درهم لليوم بعد الخصم بسبب إني أجرتها لمده طويله ( شهر ) وطبعا فعلا سيارة جديدة ونظيفه ومكيفه وسيدي لتشغيل الاغاني كانت فعلا زوينه . ثم خرجنا خارج المطار لأستلام السيارة وطبعا كالعاده السياره خاليه من الوقود يدوب توصل فيها للمحطه بس مافي مشكله على قولت أخواننا الكازاويين (( الدنيا هانيا والسما صافيه )) توجهنا مباشرة إلى محطة أفريقيا أظن إنها أقرب محطه وقود للمطار تقريبا أقل من 10 دقايق في السيارة وكانت المحطه جميله ومرتبه وكبيرة وفيها مطعم عجيب خاصة إن كانت الرحيله طويله في الطياره وأكل الطيارات لا يسمن ولا يغني من جوع طلبنا مشويات رهيبه وشربنا شاي الدمار الشامل (( أتاي )) آآآآآآآآآآآآآآآآآخ قلبي يعورني يا جماعه قبل لا أوصل مراكش
طبعا مسكنا الطريق السريع إلى مراكش وكان الجو أكثر من رائع ما شغلنا التكييف نهائيا وكنا بالييل انشغل الدفايا أحيانا طبعا كان الطريق مسافته 227 كيلو تقريبا بس الطبيعه والخضار على طول الطريق يعني بختصار متعه في السواقه ملاحظه مهمه : ثلاث نقاط مهمه لقيادة المركبه في المغرب بشكل عام
1- حزام الأمان
2- التقيد بالسرعه حسب اللوحات يعني اذا قالك 120 يعني 120 لا تفكر تزيد عنها

3- لازم تشغل الاشاره في حاله الانعطاف أو الدوران

بالضافه لرخصه القياده الصالحه ....... الخ وعلى فكرا ترا المغرب بلد قانوني جدا في المرور ويجب احترامه
مثل ما ذكرت لكم كان الطريق ممتع مع الأغاني المغربيه الي في السيدي والحياه هانيا طبعا قاعدين على اعصابنا نبي نوصل بأي طريقه المهم وصلنا والحمدلله دخلنا مراكش توجهنا على طول إلى المجمع الشهير (( المرجان )) وشرينا اشياء مهمه جدا مثل كفرات (( أغطيه أو كنابل )) بالاضافه الى العصائر والمؤكولات مثل الجبان وغيرها .... الخ ثم توجهنا مباشرة إلى المجمع السكني الراقي فعلا مراكش بلازا ))))
يا حبي له هذا المجمع طبعا فكره سريعه عنه هذا مجمع سكني 5 نجوم نظام شقق ديلوكس مجهزه بالكامل ومتعدده حسب الطلب مثلا غرفه وصاله أو غرفتين أو ثلاث غرف حسب الطلب حجزنا شقه غرفتين وصاله أنا وصاحبي طلعت علينا في اليوم 1200 درهم لا تدفع أكثر وراح اعطيكم رقم الخدامه الي المكتب الي تعاملت معاه من الكويت بنت اسمها مريم الحساني فعلا انسانه على قوله الكويتيين شقرديه وصغيره بالعمر بس كبيره في مواقفها رقم تليفونها *********
طبعا نظام الشقه مطله على النوافير بلكونه كبيره وموقعها أكثر من رائع مجهزه بمعدات المطبخ مثل براد الاتاي وغيرها تلفزوين بلازما يعني بختصار شي مرتب بس هناك ملاحظه ممكن تكون مهمه للبعض عزكم الله الحمامات مافيها بربيش (( ماء للتشطيف )) دبر نفسك
طبعا في ناس تسأل شنو سبب أختيارنا لمراكش بلازا السبب هو أن هذا المجمع فيه سكيورتي ( رجال أمن ) ومواقف في السرداب للسيارات والدراجات...................

اليوم الأول

طبعا وصلنا وحطينا أغراضنا وركبنا لابتوباتنا والسماعات ووزعنا الشموع في الصاله والغرف وخذينا دوش ولبسنا أحلى لبس عندنا وبدأ مشوار السعاده
طبعا المطاعم المتوفره في شارع جيليز هي ( بيتزا وكنتاكي وماكدونالدز ) اخترنا بيتزا الشهيره عندهم وهي بيتزا بحريه سي فود بيتزا وكانت فعلا لذيذه ومن ثم ذهبنا الي كافيه في زاويه مراكش بلازا كافيه راقي والناس إلي جالسه فيه أكثر من راقيه
شربنا أتاي والجو أكثر من روعه القعده كانت فيه فعلا ماتنمل بس البرناج طويل ومايصير نقضيه كله بالكافيه فا رجعنا لمواقف المجمع وأخذنا سيارتنا ورحنا قهوه اسمها قهوه السكره قهو قعدتها حلوه وخاصه لما تاخذ طاوله برا وتشوف الناس الرايحه والراده وما يحتاج أكمل لكم باقي اليوم

اليوم الثاني

صحينا بدري شوي تريقنا بالشقه وجت الخدامه نظفت الشقه ومشينا رحنا مجمع تجاري روعه اسمه مجمع (( المزار )) هذا المجمع كل ما يخطر ببالك من ماركات الراقيه والمطاعم وصالات التسليه موجوده في مجمع كبير جدا ثلاث طوابق روعه روعه روعه وما طلعنا منه إلا لما غابت الشمس تقريبا الساعه 6.30 مساءا فا رحنا فندق جولف بالاس بوابه رقم 6 من مجمع النخيل وفعلا كان انسب وقت فيه من 6 حتى الساعه 9 مساءا هذا الفندق في صاله بلياردو وبولينغ شي حلو ومرتب وراقي ورجعنا الشقه لبسنا وخرجنا .....

اليوم الثالث

كان عندنا موعد من الساعه 9 الصبح نروح رحله لشلالات أوزود ونسقت لنا الرحله بنت من نفس المكتب إلي أجرنا منه الشقه رحنا شلالات أوزود كانت أكثر من روعه وسبحنا تحت الشلال وظحكنا ظحك موطبيعي فعلا كانت رحله حلوه لا تنسا
طبعا قعدنا في أوزود تقريبا 6 ساعات بعد السباحه جعنا وأكلنا طاجين من مطعم مباشر للشلالات فعلا طاجين لحم بس فوق ما تتصور لذيذ لدرجه طلبنا 4 طواجين مادري من الجوع ولا من لذته الله أعلم
طلعنا من اوزود رجعنا الشقه سبحنا وغيرنا ملابسنا ورحنا الميلينيوم هذا شارع نفس طريقه جليز تقريبا بس عدد الكافيهات أكثر من كافيهات جيليز والجلسه فيه وايد الحلوه الصراحه
اليوم الرابع
موعدنا مع نفس المكتب لرحله الي سيتي فاطمه وأوريكا ولكن راح أكمل لكم بعد ما أشوف الردود لأن فعلا بقية الرحله أكثر من روعه وراح ارفق معاها الصور بس ابي اشوف في احد امتابع معاي ولا قاعد اكتب على الفاضي
تقبلوا مني فائق الشكر والتقدير