من وجهة نظري لبنان يصلح لقضاء اجازه عابره وسريعه وليس لقضاء شهر عسل، يعني خمسه ايام بالكثير وتمل
أنصحك بدول شرق آسيا او اوروبا او استراليا

الناس تقضي شهر العسل بالنمسا او سويسرا او باريس او بلدان شرق اسيا
لبنان مافيه شي يستاهل يقضي فيه الواحد شهر من العمر

والله عارفة انه مو المكان المناسب بس ايش اسوي ماعندي اجازة الا 11 يوم ماتسوى نسافر مكان بعيد بيضيع يوم رايح ويوم راجعين

مافيه شي اسمه يوم رايح ويوم راجع يااختي
المسأله كلها زياده كم ساعه
يعني الرحله للبنان ساعتين...اذا تزيدينهم ساعه تكونيين بتركيا، وتزيدينهم ساعتين تكونيين بقلب اوروبا، الطياره ماخلت شي بعيد
طيب دامك مو مقتنعه بالمكان ليه ماتجربين تركيا؟؟ قريبه وحلوه والكل يمدحها
بس اذا تسألين عن التكلفه لشهر عسل بلبنان لمده 11 يوم شامل التذاكر والسكن والمصروفات يطلع حدود عشرين الف ريال لأن السكن بيكون شهر عسل يعني بفندق 4 او 5 نجوم واجار سياره يومي ومصروف يومي مايقل عن 120 دولار زايد قيمه التذاكر بيطلع تقريبا 20الف ريال هذا من غير تسوق او هدايا

بالنسبة لشهر العسل اذا في بيروت اقترح السكن إما عند الروشه ( فنادق السفير و ارجان روتانا - الادوار العليا بعيد عن ازعاج الطريق او غيرها و السعر المتوسط لليله اتوقع 150 دولار تزيد او تنقص ) أو في الحمراء اذا ما تبون الروشه و كثير فنادق و شقق مفروشه هناك و اسعار اقل من الروشه بسبب كثرتها
المناطق و الميزانية اتوقع الاخوان في المنتدى في مواضيع اخري ماقصروا