على حسب صرفكم انتم .. على العموم شوفوا تقريري مفصل فيه الاسعار بتوقيعي
وفيه تقرير للعضو بوكوهانتس وفيه عدة تقارير اقتصادية او مذكور بها
الاسعار ,

مشكور اخوي
ابي احد يسويلي كل شي الترتيبات والفنادق وين اروح بال 14 يوم هاذي
كل شي بليز وباليوم للترفيه والاكل كم نصرف
للعلم لاانا ولا هو حقين اكلل يعني يمكن فطور وعشى كفايه
بليز رتبو لي جدول بالاسعار مايتعدى التكلفه كلهاا 19 الف
ومع قيم التذاكر
وتحديد السفره اذا رحنا ب 8/1 بالهجرري كيف الاجواء .؟

اخوي الغالي خذ هالجدول
الطيران تطلع على ميونخ طيران القطريه :الشخص 2900 ريال
السكن اول يوم توصل لممطار تاخذ السياره تستاجرها من قبل شركة سكست عندك من ابو 200 الين ابو900 باليوم حسب اختيارك
ولكن انصحك بسياره بيجو كشف تطلع عليك ب 3 الف لمدة سفرك بعدين تاخذ السياره وتروح يم زيلمسي اذا وصولك بدري للمطار
واجلس بزلمسي والكابرون وانبسط بالاجواء الحلوه والسكن عندك الرخيص جدا والغالي والوسط
وخل عشاك وفطورك بالشقه انبسطو واطبخو واحلى فله هذه حلاة السفر وانا اخوك
بس المشكله السفاره لازم يكون بحسابك 25 الف قبل تطلع التاشيره وشكرا
ترني كسول كتابه ههه

اولا رحلة سعيدة وزواج مبارك
وشهر عسل بمعنى العسل
إن شاء الله
أنا نصيحتي أن تدرسون الموضوع أكثر عمق خصوصا في التنقل هناك
اذا بتاخذون سيارة خوذوا اصغر حجم اللي تاخ

تكملة..
الله تاخذ نفر ونص مو من كثركم أو كبركم
التنقلات بالقطارات والباصات والترام مرة ممتعة
لا تجلسون في منطقة وحده مدة طويلة عشان ما تملون منها
مثلا ميونيخ ثلاثة ايام زلامسي ثلاثة أيام كابرون ثلاثة أيام فينا يومين سالزبورغ يومين والعودة لها يوم واحد
التسوق اجعلون في ميونيخ وسالزبورغ
الباقي استمتاع واقتصدوا في المصاريف الترفيهية
دمتم سعداء

فواصصل
اول شيء السفارة تشترط وجود 25 الف ريال .. هذي معلومة طبعاً وانا ما ادري عن حسابكم .
هل الاسبوعين تبونها بالنمسا فقط . ؟
مستوى الفنادق هل يهمكم الحداثة في الاثاث والمرافق .. ولا سكن بسيط ونظيف يمشي معكم ؟
هل في بالكم طيران معيّن ؟
ميزانيتكم زينه على اسبوعين مع مراعاة الاقتصاد بالسكن والطيران والسيارة على اساس تتبحبحون بالمصاريف اليومية .
شهر 8 هجري على ما اعتقد بيكون يصادف جولاي وهو عز الموسم السياحي .. هل عندكم
اشكال لو تأجلونه لما بعد العيد ؟ الاجواء جميله من مايو الى سبتمبر ( 5 - 9 )
بالنسبة لجدول اخوي عمران .. إن حبيتوا المدن اللي ذكرها ابدأوا بفيينا وانتهوا بميونخ او
العكس إلا إذا استبعدتوا وحدة من هالمدينتين فممكن تبدأون وتنتهون من ميونخ او فيينا فقط .
لان هالمدينتين بعيدات عن بعض ويوجد بكل منهن مطار دولي .
جدولكم ممكن يكون
3 فيينا
3 سالزبورغ
6 كابرون
2 ميونخ
موفقين