جيرارد الهاجري
01-09-2022 - 06:03 pm
سلامون عليكوم
صباحكم و مساكم
نور و سرور
بوون جورنو + بوونا سيرا
>>> توني لاقطهن من موضوع
أخبار الجميع ..!
أول شي
حبيت أشكر الجميع
على المواضيع والتقارير المطروحة
واللي عطتني خلفية كبيرة عن إيطاليها كلها
لكن عندي مشكلة / قد عيون النملة
هو إني أول مرة أروح أوروبا
والعرس باقي له أقل من شهر
وقد حجزت على إيطاليا
المشكلة إني ماأعرف شي هناك - أبد أبد
يعني رايح على عماها
اللي يقدر يساعدني / ماقصر
بس يعطيني جدول مقترح وتخطيط للطلعات هناك
يعني اليوم الأول وين أروح والثاني وين والثالث وين كمان وكذا
أنا رحلتي بتكون 14 يوم بإذن الله
0- 6 / 14 - 7
وهي بالترتيب بتكون زي كذا
روما / خمسة أيام
فلورانس / يومين
ريتشوني / يومين
فينيسيا / يومين
ميلان / ثلاث أيام
ف اللي يقدر يعطيني جدول معين
أو مخطط معين أقدر أمشي عليه هناك يكون أحسن
وبالنسبة للتنقل داخل روما شلون أعرف أماكن وقوف الباصات ..!
وكيف أقدر آخذ تذاكر تكون أرص لمدة خمس أيام ..!
والأحوال الجوية شلون بتكون بهالفترة ..!
أدري فيكم ماتقصرون ياربع إيطاليا
من تقارير الاخوه والاخوات بالمنتدى واختيار الاماكن التي تناسبك
اما بالنسبه للتنقل بروما ماتحتاج وسيله غير قدمك (رجلك) طال عمرك
لان تقريبا كل شي يكون قريب لكن عليك بحجز فندق يكون بالداون تاون
ومن ناحيتي انصح ب فيا فينيتو وهو شارع مشهور بروما
لكن انصحك اليوم تروح وتحجز الفنادق وتخرج الفيزا لان وقتك قرب
اما بالنسبه للاماكن تستطيع معرف مواقعها والاقرب لك من خلال خرائط القوقل تضع اسم المكان المطلوب
وتراه على الخريطه
اتمنى لك رحله موفقه
وبارك الله لكما وجمع بينكما بالخير