سويت بحث عن الفندقين وكانت النتيجة ::
NH Atterseehaus
Marianilfer Strasse 78, Vienna Hotels
NH Wien
Mariahilfer Strasse 32-34, Viena
اعتقد أن كلاهما في نفس المنطقة وهي منطقة ماريا هلفز الحيوية ...
بس الفندق اللي جرب بين كذا عضو في المنتدى هو الفندق الأول وهو NH Atterseehaus ...

فعلا كلام اخوي سلوم صحيح كلا الفندقين يقعان في نفس الشارع

مشكور اخوي سلوم على المعلومات بس شرايك اسكن بأي واحد فيهم
ومشكورة اختي على التواصل
تنصحوني فيهم ولا غير شرايكم

NH Atterseehaus هذا المجرب من قبل بعض الأعضاء ...

سلوم
انا مجربه العام الماضي 2006م وحلو بسعر 100 يورو واذا افطرت اطلع للبلكونه جلسة ترد الروح

احس الاكثر شهره Atterseehaus
مع اني لما دخلت ع صفحه الاوتيل حسيت nh wien افضل واحلى بكثير
بس مادري عن الواقع
وجد انا محتاره مثلك .. كنت ناويه الماريوت بس شكلي بغير اريي وبختار nh بس للحين ماقررت اي واحد
ومابي اروح واقول ابي هالاوتيل بعدين يطلع معندي سالفه

أنا سكنت في هذا الفندق العام الماضي NH Wien
الحقيقة أنه فندق سيء لعدة أسباب :
1 - لايوجد من يحمل الشنط عنك فعليك حمل أمتعتك بنفسك . ( الله يعينك )
2 - لايقع الفندق على شارع ماريا هفلر مباشرة بل في الخلف .
3 - لايحتوي على أجهزة تكييف . فيكون الجو خانقا وخصوصا في النهار .
4 - الفندق بدائي وبسيط جدا من حيث الديكور والفرش والاستقبال والمطعم .
5 - لاأدري هل كانت مصادفة أم لا فقد وجدت أن الفندق مليء بالعجزة حتى تظن نفسك في دار للمسنين أثناء الأفطار .
6 - الحقيقة أن تعامل موظفي الفندق راقي ومثالي وزودونا بكل ما طلبناه من ىلة تسخين الماء لجداول القطار لعناوين المطاعم للجولات السياحية .
أرجو أن أكون قد أفدتك