افضل شريحة موبايل ليبارا وقيمتها 5 باوند وموجودة في جميع البقالات
وهذا موقعهم بالعربي
http://www.lebara-mobile.co.uk/ar/index.php
رحلة سعيدة

السلام عليكم
هلا وغلا بنت الديره ..
ليبارا كذا
سعرها 5 باوند ومتوفره في اغلب المحلات في ادجول رود والمكالمات رخيصه واجد للدوحه
الله يسعدكم ان شاءالله في السفره

أنا توني من كم يوم راده من لندن انصحوني الأعضاء بشريحة ليبارا Libaraبصراحة ممتازة والمكالمة رخيصة جدا جدا ب10 بنس سواء كلمتي داخل لندن وإلا أي بلد مثل قطر .
سعر الشريحة 5باوند وتحطين فيها 5 أو 10 باوند.
تلقينها في أجورد رود وايد من المحلات تبيعها ...مثل محلات الجرايد والموبايلات .
رحلة سعيدة .

مشكورين لا خلا ولا عدم
النوع الثاني اللي كنت استخدمه قصدي الأورانجOrange
القطري هلا فيك اخوي
وشخبارك ويا المانيا
انا من سنتين كنت بدوسلدورف قعدت تقريبا 7 اشهر وكنت اتنقل بين كولون واخن وغيرهم ومن المانيا رحت بلجيكا وهولندا وفرنسا جم مره

7 شهور !!
اكيد علاج لأن المدينه واجد عليها يومين
احنا جايين مع الوالد علاج وكل يوم امركب الوالد في السياره ورايحين مكان :8888:
رحنا ايسين وكولون واخن ورومندام ( الاوت لت في هولندا ) ..
وامس رحنا هولندا وزرنا فولندام ( قرية الصيادين ) ورحنا امستردام وكنت بدعم هناك
اتصل واحد من الدوحه على الوالد ايسلم عليه وبعدين قالي الوالد فلان يبي ايسلم عليك ومع الحماس في الحفاوه نسيت الشارع وكان فيه هولندي مسكين يعبر الشارع وانا ماأنتبهت له وبغيت ادعمه
لكن الهولندي عصب وضرب جامة السياره بقوه وتروع الوالد منه وقال ارجع خلني اضربه :8888:
قلت يبه تبينا انروح ورا الشمس ولا كيف :8888:
قلت له لوا احنا مش غلطانين كان بنرجع له ولكن احنا الغلطانين فرفعت يدي اتعذر للهولندي وكملنا ..

القطري
ايه والله علاج الله لا يعيد ذيك الايام راحت بحلوها ومرها :190061244721996: والحمدلله على كل حال
ضحكتني سالفة الوالد عباله بديرته الله يعطيه الصحه والعافيه ويحفظه من كل شر ويخليه لكم
وحاسب وانت تسوق اسم الله عليكم من كل شر
والسواقه بالدول الأوروبيه ارحم مليون مره من عندنا عالأقل فيه نظام وقانون يحكمهم
وعندي استفسار بخصوص السكن بلندن
انا باسكن بالكمبرلاند ليلتين وان شاءالله خلال هالفتره القى شقه نظيفه ومريحه
واستفساري اهو ان قايلين لي عن شقق ورا الهيلتون ميتروبول اللي باخر اجور رود صوب سوق السبت
بس انا مو مرتاحه من المكان يقولون مو امان ذيك الجهه :36_1_3: مع ان الشقه مدحوها انت شرايك انا رايحه ذيك المنطقه كذا مره بس ماجربت اسكن هناك وترا مامعانا ريال يعني سفره حريمي حرمتين وطفله 11 سنه

ليبارا بس اوقات التغطيه ضعيفه
ليبارا اقتصاديه جدا

لبي قلبك ياقطر
السلام عليكم
توني واصل الدوحه
بكرا سفرتكم صح !

الحمدلله على سلامتكم
:smile106:
وانا اقول الدوحه منوره
:50055:
مشكور اخوي قطري على الأفاده لا خلا ولا عدم
احنا اليوم مسافرين ع طيارة الظهر الله يسهل امورنا :988:
في امان الله
:446::446::446: