اخوي ريان
لندن دوله مستقله بفيزتها يعني تفيز لها وتروح لها هي بلحالها مافي شيء اسمه فيزه شنجن عندهم
اذا تبغى تطلع فيزه شنجن فعندك الاتحاد الاوربي ممكن تطلع منهم مثل فرنسا - اسبانيا - المانيا - هولندا - ايطاليا - النمسا وغيرها
اتمنى اكون افدتك اخوي واي سؤال انا حاضره
تحياتي لك

طيب انا بروح لندن وودي من هناك اطلع كم يوم باريس وايطاليا فممكن اطلع فيزتي لفرنسا وايطاليا من لندن ؟ انا العاده اخذها من هنا بس هالمره ماني متاكد اني بسافر من لندن او لا
محبكم

هلا فيك اخوي ريان حياك الله معنا
شباب ماعندكم خبر هل ممكن أطلع فيزة أوربا لمدة قصيرة (اسبوع او 10 ايام) من لندن أو لا؟ واذا كان ممكن كم الفتره ومن وين اطلعه؟
زي ماقالت لك الاخت صاحبة السمو فيزة لندن مستقلة لوحدها لازم تطلع فيزة للندن وتروح لندن فقط
اما الفيزة الشنجن تقدر تاخذها من اى دوله اوربية ماعاد سويسرا لان سويسرا فيزتها ماتقدر تدخل اوربا فيها ولكن لو فيزت من اى دوله اوربيه ثانيه تقدر تدخل سويسرا
مدة الفيزة يعطونك ياها على حسب جلوسك بالسفره وفوتشر الفندق
اى سؤال ثاني انا حاضرة
تحياتي لك

الأخ ريان ، يقصد انه يقدر يطلع فيزة شنغن من لندن .. هذا سؤاله
نعم تقدر ، بس ما أنصحك .. بتوقف فى الطابور أقل شي 3 ساعات ، المتطلبات هناك تختلف للفيزا ، المعامله بتاخذ وقت طويل لين تطلع .. أنصحك تاخذها من بلدك
إلا إذا كنت مقدم عن طريق سفارة بلدك .. ممكن يساعدونك و يسرعون فى المعامله ، غير كذا مافى أمل ..

انا قبل الفيزاء الشنجن كنت في لندن وحبيت اروح فرنسا وقالي مكتب سياحي انا اطلعها لك لكن ماقدر يطلعها لي واظطريت اني اروح بنفسي انا مع صديقي ويجب وجود الشخص اللي يبي يطلع الفيزه لكن الصدفه انهم وافقو على ورفضو صديقي في بدايه الامر. بعدين عندهم طابور عجيب مايمشي . يعني بصراحه صج كنت في السفاره الفرنسيه وبلندن لكن والله كاني جالس في حراج مافي ارقام وعدم احترام الدور وهم وافقو على ورفضو صديقي لكن بعدين وافقو على صديق . يعني ناس تمشي على البركه . ومافي عندهم نظام معين او اسس يتعاملون فيها. انا الشباك اللي كنت فيه كان الموظف من اصل مغربي واهو اللي ساعدني لكن صديقي كان في شباك ثاني لكن بعد ما رفضوه اخذت جوازه ورحت عند الموظف المغربي وماقصر معنا. للعلم راحو بعد يومين بعض الشباب الخليجي يفيزون ماوفقو عليهم . والله العظيم ما ابالق باللي شفته منهم.
اخوي انصحك انك تفيز من بلدك
اخوي نصيحه فيز من بلدك اريح لك.

أخواني الكرام .. ريان وسيد القصر ..
وش الله حادكم تطلعوا الفيزا من هناك ..؟!!
وخصوصا هالحين بعد ماصارت أي فيزا للدول الأوروبيه تاخذ 10 أيام ..
طلعوها من هنا .. إن أستخدمتوها أهلا وسهلا .. وإن ما أستخدمتوها .. كفى الله المؤمنين شر قتال ..

شكرا للجميع...
شكر خاص ل"بنت الصقور" على التوضيح (انتي الوحيدة اللي فاهمتني أو سؤالي ماكان واضح؟)
الله يعطيكم العافيه على التفاعل الجيد، انا باقي على سفرتي أقل من 10 أيام علشان كذا مايمديني اطلع من هنا خصوصا ان "يحنا" مات واخاف تجي رحلتي وجوازي ماطع من السفارة الايطالية..

اخوي ريان معليش انا مافهمت السؤال بوضوح لكن اخوي اقولك الافضل لك تطلع الفيزه من بلدك
حتى هناك ان طلعتها من عندهم بيحجرو لك وش عندك ماطلعت من بلدك وليه وليه وانت غني عن هالاسئله فالافضل لك انك تطلعها من بلدك
واتمنى لك سفره موفقه
ويسلمو بنت الصقور على التوضيح

الاخ الريان...........
صدر حاليا قرار عن اجتماع الاتحاد الاوربى الخليجى قرروا بموجبه منح تسهيلات لجميع دول الخليج تتمكن بواسطتة من التمتع بالتسهيلات المقدمة وتستخرج الفيزا بيوم او يومين باستثناء دولتين لاسباب غير منطقيه اثارة حفيظة ممثليها بالاجتماع............ والخبر موجود بجريدة القبس اليوم