وعليكم السلام ورحمة الله وبركاته
شلال كريمل جميل ولكن المشي له اذا مو متعوده تعب لانه مسافه
و الخوانق المائيه زغموند ثون ممرات خشبيه لكن مسافة اقل من شلال الكريمل
كلها جميله ولكن شوف اللي يناسبك ..

ما قصر مشرفنا شخص ما
وشلال كريمل هو الأتعب بس في طريقة
تاكسي يصعد للقمة الثالثة وتنزلون على الأقدام للمرحلة الثانية وتركبون التاكسي مرة ثانية لينزل عند البداية
وكل مرحلة بالتاكسي 6 يورو للشخص سيارة التاكسي فان جماعي اتذكر يكفي 6 اشخاص
ملاحظة
التاكسي خاص للشلال فقط ولونه أصفر
وشلال زغموند
لا ماهو متعب وصغير بس سلالم خشبية صغيرة
رحلة موفقة بإذن الله

طيب كيف اركب هذا الباص من زيلامسي اذا كنت فيها وين ؟ وهو باص او تاكسي احسن شي ؟
وكم ساعه نقعد عند الشلال ؟
واوقات الباص ومتى تبدا تتحرك عشان تروح لعند الشلال ؟ ويمديني اروح بالتاكسي ويرقى للمرحله الثالثه ؟ او هذا بس للباص
يعني نرقى للمرحله الثالثه للشلال بالتاكسي كلها ولانمشي برجلينا بعدين للعوده نرجع للمرحله الثانيه ونركب الباص او التاكسي
وهل المسافه بين المرحله الثالثه والثانيه مسافه متعبه ؟

اختي معاكم سيارة صح ؟
الأفضل الذهاب لشلالات كريما بسيارتكم الخاصة مو بالباص ولا تاكسي
وهناك وعند ركن السيارة بالمواقف تلاقون التاكسي الأصفر
يوصلكم للثالثة وتنزلون قدما للثانية ما كان متعب ومنظر الشلال ينسيكم التعب
عقب تركبون مرة ثانية التاكسي لينزلكم تحت عند المواقف
والباص وين في زيلامسي
خلف فندق جراند هوتيل عند محطة القطار
محطة الباصات
وباص شلالات كرايمل رقم 670