بوعنود
27-04-2022 - 02:44 pm
السلام عليكم
عملت حجز في النت على الدلتا من اولاندو إلى نيويورك ودفعت وكل شي تمام
بعدين لما دققت حصلت اني راح انزل في نيويورك في المطار الثاني لاغارديا La Guardia Airport مو JFK
والمشكلة ان وصولي تقريباً الساعه خمسه وعندي الساعه ثمانية ونص موعد رحلة العودة من المطار الرئيسي JFK إلى السعودية.
كيف الانتقال بين المطارين وكم المدة يعني بالعربي يمديني؟
وأتوقع الشنط كذا ماأقدر أشحنها مباشرة من اورلاندو للسعودية يعني لازم أطلعها وأجرجرها معاي من مطار إلى مطار
أفيدوني بارك الله فيكم شكلي توهقت هذي الثقه الزايده وماتسوي
والاسرع لك هو التاكسي
لاكن بصراحة مغامرة انك تروح على هذي الرحلة لانه من وصولك لاقلاعك على حسب المعلومات الي كتبتها 3.5 ساعات فأتوقع انه ماراح تكفيك وما ودي تكون على اعصابك
لان الطريق لوحده بياخذ 45 دقيقة على الاقل !!
ومع الزحمة ممكن اكثر
هذا غير انك لما تنزل من الطيراه بتستلم الشناطك وتطلع من المطار يبغالك على الاقل 30 دقيقة !!
يعني بتوصل المطار على الاقل وباقي على الرحلة ساعتين وربع هذا اذا ما تاخرت الرحلة في الاساس !!
غير التفاتيش والطوابير !!
بصراحة ما ودي احطمك او ازعجك لاكن ودي انك تسافر وانت مرتاح ومو شايل هم شي !!
غير الخطوط والغي الررحلة وخذ شي لمطار jfk حتى لو اطريت لالغاء الرحلة من دون استرداد المبلغ لانه بصراحة الراحة النفسية اهم شي في السفر !!
والقرار النهائي لك
اتمنى لك التوفيق ,,