1. دخلت بحمد الله .. وبدأت النقطه الثانيه ..

السلام عليكم ..
كيف حالكم ؟!
اول شي من هالمنبر اشكر الكل ع مساعدته لي .. في الاجوبه ع اسألتي , وكل شي ..
امس تمّت المقابله في السفاره ..
كان موعدي الساعه 10 الصبح .. وتواجدت هناك من الساعه 9 , الساعه الاولى كانت فقط خارج السفاره ننتظر الدخول .. وكانت زحمه خانقه بكل امانه ..

دخلت بحمد الله .. وبدأت النقطه الثانيه ..

قابلتني موظفه من الهند , اعتقد ذلك .. فسألتني سؤالين , ليش رايح ؟ قلت دراسه .. قالت عطني الجواز و الفاتوره و كشف الحساب .. وبأي جامعه تدرس ؟ الملك سعود .. وحطت الجواز و الفاتورة وكشف الحساب بملف .. وقالت اتجه للمقابله الاخيره ..
كنت انتظر , وبطني يقلب وصايره مسرحيات جوّا بطني ..
جا رقمي .. واسحب رجولي وخطوتي للمقابله , امسك التيلفون ويسألني , عربي او انجليش ؟ قلت انجليش .. بابتسامه شخص واثق
سألني , كيف حالك ؟ ارتحت شوي .. ورديت بالحمدلله , تمام التمام ..
سالني وين رايح , اي جامعه ؟ قلت لهارفرد ان شاءالله .. قال ماشاءالله ماشاءالله
قال صعب التسجيل فيها ؟ قلت لا .. كان سهل صراحه , وسألني من بيدفع لك ؟ قلت الوالد ..
شوي يسولف معي , قال الفيزا مقبوله ..
انا بوجه متفاجئ , THAT'S IT !!?!!
ضحك .. قال ايه بس , قلت شككرا
ودفعت لفيدكس , وبدأت مشوار الالف ميل ..بخطوة , والله يوفقني ويعييني ..
متحسف ع الاوراق الكثيره و الصور والله
ماطلبوا ولاا شي ..
لكن الحمدلله , كان مقابله ممتعه جدا .. وحلاتها كانت بيوم جميل ..
واشكركم ع المساعده مره ثانيه ..